Home

News

MPCC-in resolution an pass

News

MPCC-in resolution an pass

MPCC-in resolution an pass

MPCC chuan vawiin (18.11.2026) chhun khan Congress Bhavan-ah executive meeting an nei a, MPCC President Lal Thanzara’n politics a khelh chhan a sawi bakah, resolution an pass.

Lal Thanzara chuan politics a khelh chhan chu chief minister nih a nih loh thu sawiin, “Ka tum ber chu kum 2028-a Mizorama Congress a sorkar ngei theih nana hmalak a ni. Kan sorkar theih nan theihtawp chhuahin hma lain, i thawk ang u. Kan sorkar duhna chhan pawh hi Mizoramah corruption nuaibo a nih theih nan, miretheite khawsak a lo zawlsam theih nan te, ram leh mipui tana malsawmna kan nih theih nan a ni. Congress sorkar leh theih nan theihtawp chhuahin i bei ang u,” a ti.

MPCC RESOLUTION

India rama BJP-in rorelna a chan atanga India Danpui Article 25-28 (Right to freedom of religion) in India khua leh tuite sakhaw zalenna min pek nasa taka rahbeh a ni ta hi pawi kan tiin kan dem takzet a ni.

Rinna hi mimal duhthlanna a ni a, India Danpui hnuaiah Kristian nih hi sual (dan phal loh) a ni ngai lo. Sakhaw zalenna hi kan dikna chanvo (Fundamental rights) a ni. Missionay-ten tihluihna, tawktarh leh thlemna hmang thin anga dik lo taka puhna awm thin leh, chumi chhuanlama Kristiante chunga hleilenna leh tihduhdahna a hluar ta hlauh hi demawm kan ti.

India ram pumah Kristian nekchepna a pung nasa hle a. Kristiante nekchepna hi Congress party chuan a dem takzet a. Kan thenawm hnai lawk West Bengal-ah pawh BJP a sorkar phat atanga nasa taka he State chhunga Kristiante nekchepna leh tihduhdahna pung hi kan dem a. West Bengal-a BJP hun reilote a Sorkar chhung hian Kristiante tihduhdahna hi United Christian Forum (UCF) Report angin tum 60 chuang a thleng tawh a ni.

Tin, Foreign Contribution (Regulation) Amendment Bill, 2026 hi tha kan ti lova, chuvangin Congress Party chuan kan do zel dawn. India rama sakhaw zalenna humhima a awm zel theih nan theihtawpin hma kan la zel dawn a, “Kan Ram, Kan Hnam, Kan Sakhua humhim leh tih hmasawn,” zel hi kan tum a ni; tih Mizoram Pradesh Congress Committee (MPCC) Executive Committee chuan vawiin November ni 18, 2026 hian kan puang a ni.

More Posts

Zanin Youth Icon chhunzawm dawn

EverHome Youth Icon 2026 third round intihsiakna chu zanin (18.11.2026) dar 8-ah neih leh a ni dawn a, Youth Icon 2024 Lalsangliana (Taitea) chuan amah lo endik tawhtute dawhkan tawmin guest judge-ah a tang dawn. Third round intihsiak zan khatna chu Thawhlehni zan khan LPS Studio, Zarkawtah neih a ni a, a zan hnihna chu […]

Lokyukta-in report an thehlut

Mizoram Lokayukta Act, 2014 bung 47-nain a phut angin Lokayukta Chairperson Lalmalsawma, IAS, (Rtd.) chuan vawiin (18.11.2026) hian Larsap General Vijay Kumar Singh hnenah Mizoram Lokayukta Annual Report Pasarihna a thehlut. Annual report hian April 1, 2025 atanga March31, 2026 inkar a huam a, Mizoram Legislative Assembly thutkhawmah pharh a ni ang. Lokayukta Chairperson hi […]

Filling station leh iron rod endik

Vawiin (18.11.2026) chhun khan Champhai District Civil Supplies Officer, Asst. Controller, Legal Metrology leh District Consumer Union-te ṭangkawp chuan Champhai District chhunga filling station hrang hrangte dispensing pump metering unit (petrol pek chhuahna leh a meter) te a dik leh dik loh an endik bakah, insakna hmanrua iron-rod standard size leh weight a nih leh […]