Blog

Vawiin (21.5.2026) hian ZPM Thalai hruaitute chuan Chief Minister Lalduhoma chu a office-ah kawmin AMC Sport Complex (Brigade Field) leh NH-06 kawngpui siamthat mek chungchanga an hmalakna an sawipui.

Chief Minister chuan Mizo thalaite hmakhua ngaia AMC Sport Complex siamthat chungchang ZPM Thalai ten kan bawhzui chu lawmawm a tih thu leh hemi atan hian ZPM Sawrkar chuan nuai 500 an dah thu a lo hrilh a, “ZPM chuan siamthat hna kan thawh rualin hmasawnna thar kan thlentir mek. AMC Sport Complex (Brigade Field) pawh inkhelhna tlaka siam that ngei kan tuma, chumi atan chuan sum pawh nuai 500 kan dah a, he field hmangtangkai tur kan Mizo thalaite pawhin an nghakhlel hleiin ka hria a, ZPM Thalai ten Brigade Field siamthat a nih theih nana hma in la hi a lawmawm hle mai” a ti.

Sulhnu pawr chinfel hian hun a duhrei thin avangin an tum leh duh angte pawh an ti hlawhtling zung zung thei lo chungin hmasawnna tamtak an thlentir mek zel tih sawiin Lalduhoma chuan, mipuite tawiawmna zar liau liau a ni,” tiin tun dinhmunah mipuite pawh ZPM Sawrkarah kan lawmtlanga a hriat thu a sawi.