Home

News

ASF vangin thupek chhuah

News

ASF vangin thupek chhuah

ASF vangin thupek chhuah

Aizawl District Magistrate chuan kan vawk vulhte’n natna hlauhawm tak African Swine Fever (ASF) an kai loh nan leh a darh zel loh nan te, mipuite kan lo him a, kan lo fimkhur zel nan vawk chungchangah inkhuahkhirhna thupek a chhuah. He thupek hi tih danglam a nih loh chuan chhuah a nih atangin thla hnih (2 months) chhung a huam ang. Dan bawhchhiate chu Section 223 of BNS 2023 hmangin hrem tur an ni.

DISTRICT MAGISTRATE THUPEK

  • Aizawl District chhungah ram dang (foreign) leh State dang atangin vawk, vawksa leh vawksa atanga siam eitur chi reng reng lak luh khap tlat a ni.
  • District dang, ASF hri lenna Infected Area atangin vawk, vawksa leh vawksa atanga siam eitur reng reng lak luh khap tlat a ni.
  • Vawk damlo reng reng talh leh hralh khap tlat a ni. Vawk damlo chu dah hran vat tur a ni a. Vawk thi reng reng, bawlhhlawh paihna hmunah leh lui kawr remchangah an paih mai mai tur a ni lo.
  • Vawk thi reng reng thuk takah disinfectant nena phum bo tur a ni. Vawk in leh a vel pawh disinfect vek tur a ni.
  • Vawk damlo leh thi an awmin AH & Vety Department official-te hnenah hriattir vat tur a ni.
  • Aizawl District chhung, khua leh khua emaw, veng leh veng emaw-a vawk inlakpawh tawn tur reng reng in vawk hri sei tha chauh lak tur a ni.
  • Vawk damlo (ASF hri kai) ni-a rinhlelh awmna khua/veng atangin vawk lakluh leh lakchhuah khap tlat a ni.

File image

More Posts

Zanin atangin third round

EverHome Youth Icon 2026 intihsiakna chu thlitfim chhoh zel a ni a, icon nih tuma an zai video pe lut mi 844 atangin mi 27 thlan chhuah fel an ni tawh. Zan hnih awh tur Third Round intihsiakna chu zanin atangin neih tan a ni dawn. November 10-12, 2026 chhung khan second round intihsiak neih […]

Police-in ruihhlo an man

Police tarlan danin, tukin (17.11.2026) dar 7:05 vel khan Saitual Police te chuan Kualmawi, Keifangah heroin ni ngeia hriat an man. Saitual Police-te hian Duster car B/R No. AS 01 BD 7050 atangin heroin ni ngeia hriat gram 280, cheng nuai 71.42 hua chhut an man. Ruihhlo phurhna lirthei hi T. Lalminlun Haokip (21) s/o […]

Lirtheia chetsualnaah thi

Lalramhluna (30) s/o H Laltanpuia, Vairengte chu lirtheia chetsualna avangin vawiin (17.11.2026) tlai dar 2 vel khan a thi. Bengvarna thudawn danin, Lalramhluna hi naktuka nupui nei tur a ni a, nimin khan a nupui turte khua Kawnpuiah man hlan turin a thianpa nen an kal a, nizan khan man hi an inhlan a ni. […]