Home

News

Austria atangin Ph D hmu

News

Austria atangin Ph D hmu

Austria atangin Ph D hmu

Lalropuia s/o Pu Thanghluna, Mission Veng chuan University of Natural Resources and Life Sciences, Vienna (BOKU), Austria atangin doctoral study zoin Ph.D hlan a ni.

Dr. Lalropuia hian kum 2017 khan Rajasthan, India atangin mining engineer a zo a, kum 2022 khan Germany atangin master degree a zo leh a, tunah Europe a University tha berte zinga mi, University of Boku, Austria atangin doctorate degree a zo leh ta a ni. Ph.D a hmu a ni satliah mai lova, distinction-ah pass in grade sang ber a hmu.

Dr. Lalropuia chuan, “Presentation hi minute 30 chhung ka nei a, Sap pachal mithiam rualin minute 45 vel zet zawhna min zawt a, a rei duh ngat ngat khawp mai. Mah se, Pathian zarah grade sang ber hmuin distinction-ah ka pass ve hlauh e,” tiin a sawi.

A thesis : ‘Bioleaching of Spent Lithium Ion Battery for Recovery of Critical Metals’ chungchang hi mi nawlpui tan hriat thiam a har deuh a, hetiang hian a sawi fiah.

‘Battery hman hnuah hian Metal hlu leh vâng tak tak a la awm a, chu mi chu Bacteria hmanga lak chhuah dan ka zir a ni ber mai. Battery ah pawh hian chi hran hran a awm a, mahse, khawvela an hman nasat ber Lithium Ioin battery bik hi ka khawih a ni. Lithium-Ion battery-ah pawh hian chi hrang hrang a la awm leh zel , chung zingah chuan, chi 4 ka thlur bing a ni. Lithium Ioin battery chu kan phone te, laptop-ahte leh electric motor-ah te hian an hmang tlangpui. Heng battery chhungah hian metal hlu leh man to tak tak Lithium te, Cobalt te, Nickel te, Manganese te, Copper te an la awm a, chumi chu bacteria hmanga lakchhuah a, recycle dan kan zir bing a ni. Europe bikah hian battery atana hman metal te hi recyle an ngai pawimawh em em a, chuvangin an recycle dan kawng hrang hrang a reserach an uar thar em em a ni. Tuna ka thesis project pawh hi Austria sawrkar hmalakna, ka thawhna company hnena Fund a pek atanga lo piang a ni,” a ti.

More Posts

Zanin atangin third round

EverHome Youth Icon 2026 intihsiakna chu thlitfim chhoh zel a ni a, icon nih tuma an zai video pe lut mi 844 atangin mi 27 thlan chhuah fel an ni tawh. Zan hnih awh tur Third Round intihsiakna chu zanin atangin neih tan a ni dawn. November 10-12, 2026 chhung khan second round intihsiak neih […]

Police-in ruihhlo an man

Police tarlan danin, tukin (17.11.2026) dar 7:05 vel khan Saitual Police te chuan Kualmawi, Keifangah heroin ni ngeia hriat an man. Saitual Police-te hian Duster car B/R No. AS 01 BD 7050 atangin heroin ni ngeia hriat gram 280, cheng nuai 71.42 hua chhut an man. Ruihhlo phurhna lirthei hi T. Lalminlun Haokip (21) s/o […]

Lirtheia chetsualnaah thi

Lalramhluna (30) s/o H Laltanpuia, Vairengte chu lirtheia chetsualna avangin vawiin (17.11.2026) tlai dar 2 vel khan a thi. Bengvarna thudawn danin, Lalramhluna hi naktuka nupui nei tur a ni a, nimin khan a nupui turte khua Kawnpuiah man hlan turin a thianpa nen an kal a, nizan khan man hi an inhlan a ni. […]