News

Mizoram BJP chuan vawiin (6.10.2025) chhun khan an office-ah chhung inkhawm an hmang a, thusawitu MBJP President Dr K Beichhua chuan, BJP hi hlauh tur ni loin, kan ram hmasawnna atana kan thlawp tlat a ngai tawh zawk thu a sawi.

Dr K Beichhua chuan, Prime Minister Narendra Modi kaihhruaina hnuaiah hian social security-ah nasa takin India ram chu a ṭhang a, hmasawnna nasa tak kan neih avangin ram dang pawhin nasa takin India ram hi min ngaihsan phah tawh tih sawiin, ‘PM Scheme hrang hrang kan hria a, a huap zoin a fûn kim hl. Kum upa leh pianphunga rualbanlote thlengin he social security hian a huam vek a ni. PMAY (Housing for All) te, PM Kisan te, Healthcare Insurance Scheme te, PM Free Electric Connection te, sorkar hnathawk lo chhungkuateah pension scheme ṭha tak te leh a dang tam tak Mizorama kan hman ve loh thlengin scheme tam tak a awm. Chuvangin, Mizoram mipui hian BJP hi eng vanga hlau tlat nge kan nih? tih hi kan inzawhna lian tak a ni,’ a ti.