Bible Society of India (BSI), Aizawl Auxiliary chuan thuchhuah siamin, BSI-in a tihchhuah Bible thenkhat chu siam danglama sumdâwnna atâna hmang an awm tih phalna mumal tak la loa mobile application siam an awm nia hriat a nih thu an tarlang.
BSI, Aizawl Auxiliary chuan an committee thu chhuak (AC26-27.33) tarlangin, “Pathian Lehkhabu Thianghlim (Bible) hi Kristiante thurin innghahna, kohhranhoten kan zah leh kan serh êm êm lehkhabu thianghlim a ni a, sumdâwnna atâna mahni thûa lo siam danglam emaw, phalna fel tak la lova lo tihchhuah vê emaw a rem lo,” an ti.
An tarlan dangte :
1.Kum 2006 leh 2015-a kohhran pâwl hrang hrang hruaitute inhmu khâwmin Bible Society kut chhuak Bible-te chauh kohhranhote hman bîk tûra an ngaih thû an lo rêl ho tawh kha a theih chin china ngâi pawimawh tûrin kohhran mite kan ngen a ni.
2.Mi mal hman tûr ni lova Bible kâwm siam danglam leh a bu tidanglama sumdâwn nâna hmangte leh BSI remtihna la hmasa loa kawng chi hrang hrang – ziak, en theih chi leh digital format-a Bible lo tichhuakte chu ti chhunzawm lo tûrin kan ngên a ni.
3.BSI chuan Bible hmêlhmang chi hrang hrang leh a kâwm rawng chi hrang hrang a tichhuak reng a, phone-a chhiar leh ngaihthlâk theih chi Mizo Bible App pawh tihchhuah thuai a tum a ni. Hei hi hman \angkai lo tum hrâm hrâm tûrin kohhran mite pawh kan ngên e