Vawiin (11.11.2026) chawhma dar 10:30am khan Central Co-Ordination Committee (CCC) vawi 107-na chu Central YMA Hall, Tuikhuahtlangah neih a ni. CCC Vawi 107-na hian YMA Rorel inkhawm vawi 5-na thurel bawhzui dan tur a hnuaia tarlan ang hian an rel.
A.YMA Khawih Thurelte:
1.Mizoram pawn atanga company, Mizoram chhunga hna rawn thawk ten hnathawktu atan ram leilung fa tam zawk an chhawr theih nan Central YMA-in hma la chhunzawm zel rawh se tih chu sawi ho a nih hnuin, CEC-ten a tul angin hma la se an ti.
2.YMA-in aia upa zah inzirtirna kawngah tun aia chak zawkin hma la rawlh se tih chu ngun taka sawiho a nih hnuin, CEC-ten a tul angin hma la se an ti.
3.Environment humhalh chungchangah chak zawkin hmalak ni rawh se tih chu ngun taka kan sawiho hnuin, CEC-ten a tul angin hma la se an ti.
4.Mizo lengkhawm (khawhar) hlate a ral mai loha mitthi in leh khawhar inah a tam thei ang ber sak a nih theih nan Central YMA-in hma la rawh se tih chu ngun taka sawiho a nih hnuin, CEC-ten a tul angin hma la se an ti.
5.YMA hlate (YMA Hla Bu a mi) uar zawka sak a nih theih nan leh thiam kan lo tam zawk theih nan Central YMA-in hma la rawh se tih chu, CEC-ten a tul angin hma la se an ti.
B.Sawrkar Khawih Thurelte:
1.Bairabi atanga Sairang inkar Rel Station/Sub-Station-ah te hian uluk zawkin ILP check a nih theih nan Central YMA-in hma la rawh se tih chu, CEC-ten a tul angin hma la se an ti.
2.Mizoram leilung fate kan him nan Trading Regulation felfai tak kan neih theih nan sawrkar-in chak zawkin hma la rawh se tih chu, CEC-ten a tul angin hma la se an ti.
3.Mizoram-a raltlante awm dan leh ramdang mi, dan loa rawn sumdawngte khuahkhirhna mumal zawk a awm theih nan Sawrkar-in ruahmanna a siam theih nan hma lak ni rawh se tih chu, CEC-ten a tul angin hma la se an ti.