Home

News

CYMA-in thuchhuah an siam

News

CYMA-in thuchhuah an siam

CYMA-in thuchhuah an siam

Central YMA chuan thuchhuah siamin, ni 16.10.2026 zana Ngursangzuol Sanate (40) s/o Thanghlira Sanate (L), Sakawrdai
Hmar Veng Branch YMA-a ‘ Z Section’ Information Secretary nilai ruihhlo kaihhnawih avanga mi kut tuara a boral m pawi an ti tak zet tih an tarlang.

CYMA chuan, “YMA-in ram pum huapa Ruihhlo Do Kumpuan a kal pui mekah theihtawpin hma lak mek zel a ni. Ruihhlo do kawngah hian a dodal zawng emaw ruihhlo dotute tana harsatna siam zawnga chete chu eng ang mi pawh ni se Central YMA chuan a hmachhawn zel ang.
Tv Ngursangzuol Sanate in kalsan tak a chhungte Central YMA chuan kan tuarpui tak zet. He thihna a inhnamhnawihten an phu tawk hremna an hmuh ngei theih nan Central YMA chuan hma a la zel dawn a ni. Tunhnuah hetiang hi thleng tawh lo se kan ti,” an ti.

Sakawrdai Jt YMA pawhin a hnuaia tarlan ang hian thuchhuah an siam :

Tv. Ngursangzuol Sanate s/o Thanghlira Sanate (L), Hmarveng Branch YMA Sakawrdai, ‘Z’ Section Information Secretary ni lai chu ni 16.10.2026 (Zirtawpni) zana rawng taka HPC(D) te kut tuara a thi hi pawi kan tiin kan dem tak zet a, Jt. YMA, Sakawrdai chuan a kalsan tak a chhungte kan tawrhpui tak zet a ni.

Kan member rawng taka sawisak hlum a ni hi kan hre thiam lo hle a, a in atanga hruai chhuaktu RC Lalropuia, HPC(D) hi a inrawlh ngei niin kan hria a. A hruai chhuaktu hian a hruai chhuah chhan dik tak (pawm tlak ngei) sawi fiah turin kan phut tlat a, a sawi fiah thei lo a nih chuan Sakawrdai khaw chhungah a luh kan rem ti tawh lo.

He thil thleng duhawm lo tak hi Ruihhlo tawlh (smuggling) nena inzawm ni ngeiin Jt. YMA, Sakawrdai chuan a hria a, chuvangin, YMA hi a ngawi mai mai dawn lova, a chhu zui zel dawn a ni.

HPC(D) mi leh sa thenkhat ruihhlo zawrh kawnga inhnamhnawih an awm tih hriat a ni a. Heng mite hi Sakawrdai khawchhunga luh kan remti lova. Tilui an awma, man an nih chuan action na taka lak a ni ang.

Tin, Sakawrdai mi ruihhlo tawlhruk kawnga inhnamhnawih an awm tih hriat a ni bawka. Heng mite hi an thil tha lo tih sim tur leh a tilui an awm a, man an nih chuan Jt. YMA, Sakawrdai chuan a tul ang zela hma la in, a na thei ang bera an chungchang rel sak a ni ang.

More Posts

Kawng sirah thiin hmu

Ramthanpuia (36), Tuidam khua chu tukin (19.11.2026) khan an khua atanga kms. 2 velah a ruang chhar a ni. Thudawn danin, Ramthanpuia (36) hi nimin khan an barrel hunna tur thingtuai la turin a chhuak a, tukin khan kawngpui siamtu Nidhi Company hnathawkten kawngpui sira a mu an hmu a, Tuidam Branch YMA hruaitute an […]

Ramri chungchang sawiho

Vawiin (19.11.2026) hian Buhchangphaiah Kolasib Bawrhsap H. Dolianbuaia leh SP Lalrinpuia Varte bakah Hailakandi Bawrhsap Jay Vikas leh Sr. SP Amitava Sinha-te chu district pahnih Forest DFO-te nen ramri chungchang leh thawhhona ṭha zawk neih dan tur sawihoin an inhmu. He inhmukhawmnaah hian inremna lo awm sa anga ramri dinhmun pangngai (status quo) chu vawn […]

Agriculture Minister-in enfiah

Vawiin (19.11.2026) chhun khan Agriculture Minister PC. Vanlalruata chuan Tuiriala sawhthing sawngbawlna tur (proposed ginger processing) leh sawhthing dah khawmna tur kudam (storage centre) chu a hmunah kal chilhin, a enfiah. PC. Vanlalruata chuan kumthar, February 1, 2027 aṭangin sawhthing lei ṭan leh turin sorkar a inbuatsaih chho mek tih sawiin, “Hemi atana thil ṭul […]