Home

News

Dan bawhchhetute an hrem

News

Dan bawhchhetute an hrem

Dan bawhchhetute an hrem

October 12, 2026 (Thawhlehni) khan “The Mizoram Fisheries Amendment Act 2022, Section 6(1)(b)” bawhchhetu mi pathumte chu hrem an ni.

Heng dan bawhchhetute hian October 6, 2026 khan Thingdawl ram chhunga Hmawngkai lui leh Tuikhuahmawng lui-a chakaite chu tur (Glycel) hmangin an hrai a ni. District Fisheries Development Officer (DFDO), Kolasib leh Thingdawl VC-I ten ngawrh taka an chhui zui hnuah mi pali – Ngaithanmangi (w/o Zothanpuia, Thingdawl Kawnveng), Vanlalkimi (d/o Ruala, Sesawng Vengthar Tlangveng), Ruthi Lalawmpuii (d/o Vanlalkimi, Sesawng Vengthar Tlangveng) leh Lawmzuala (s/o Lalchangliana, Sesawng Vengthar Tlangveng) te chu DFDO Office, Kolasib-ah koh an ni.

An zinga mi pathumte kalin, dan an bawhchhiat dan hrilhhriat an ni a, intiamkamna neih tir an nih hnuah ‘The Mizoram Fisheries Amendment Act 2022, Section 10 – Compounding of Offences’ hmangin Rs. 2,000 theuh chawitir an ni. A palina, Lawmzuala s/o Lalchangliana hi a tlanbo avangin Kolasib Police Station-ah thlen tawh a ni a, tunah hian zawn mek a ni.

District Fisheries Dev. Officer, Kolasib District chuan kan ram luidung nungchate an lo pun zel theih nan, phalna (License) tel lo chuan luidung nungcha man, tihbuai leh thah chu danin a khap tlat a ni tih mipuite a hriattir nawn a ni.

More Posts

Kawng sirah thiin hmu

Ramthanpuia (36), Tuidam khua chu tukin (19.11.2026) khan an khua atanga kms. 2 velah a ruang chhar a ni. Thudawn danin, Ramthanpuia (36) hi nimin khan an barrel hunna tur thingtuai la turin a chhuak a, tukin khan kawngpui siamtu Nidhi Company hnathawkten kawngpui sira a mu an hmu a, Tuidam Branch YMA hruaitute an […]

Ramri chungchang sawiho

Vawiin (19.11.2026) hian Buhchangphaiah Kolasib Bawrhsap H. Dolianbuaia leh SP Lalrinpuia Varte bakah Hailakandi Bawrhsap Jay Vikas leh Sr. SP Amitava Sinha-te chu district pahnih Forest DFO-te nen ramri chungchang leh thawhhona ṭha zawk neih dan tur sawihoin an inhmu. He inhmukhawmnaah hian inremna lo awm sa anga ramri dinhmun pangngai (status quo) chu vawn […]

Agriculture Minister-in enfiah

Vawiin (19.11.2026) chhun khan Agriculture Minister PC. Vanlalruata chuan Tuiriala sawhthing sawngbawlna tur (proposed ginger processing) leh sawhthing dah khawmna tur kudam (storage centre) chu a hmunah kal chilhin, a enfiah. PC. Vanlalruata chuan kumthar, February 1, 2027 aṭangin sawhthing lei ṭan leh turin sorkar a inbuatsaih chho mek tih sawiin, “Hemi atana thil ṭul […]