Home

News

Dan bawhchhetute chungah action la dawn

News

Dan bawhchhetute chungah action la dawn

Dan bawhchhetute chungah action la dawn

Mizoram luidung sangha thenkhatte an inthlahpun hunlai a nih avangin Nghafuan venhim nan hian Mizoram Sorkar chuan October 10 atanga November 30, 2026 thleng hi sangha fuan chi te man phal loh hun ‘Closed Season’ atan a puang a, Fisheries Department-in he thupek bawhzuia hma an lakna kal zelah report an dawn bawhzuiin a hnuaia tarlan ang hian dan bawhchhiatna a thleng ngei a ni tih finfiah a ni. He thila inhnamhnawih manchhuahte chungah hian dan hmanga hremna lekkawh tura hmalak mek an ni.

1.November 3, 2026 khan Lunglei Pukpui Local Council leh Fisheries Department, Lunglei ten Closed Season bawhchhia leh hmanraw hman phal loh dynamo hmanga sangha fuan lai kgs. 10 vel lo mantu mi pahnih Lunglei Farm Veng leh Ramthar Veng, Lunglei a mi te an man a, Mizoram Fisheries Act Section 10 hmangin hrem an ni.

2.November 6, 2026 khan Fisheries Department chuan Airport Road-ah sangha man phal loh zawrh anih thu report an dawn bawhzuiin a hmunah an kal chilh a, Mizoram Fisheries Act Section 6 (vii) hmangin kawngkam bazara thu Lengte leh Sihhmui mi 2 (pahnih) hnen atangin Nghalim zawrh lai kg-1 vel man sak an ni a, anmahni hi November 9, 2026 ah Fisheries Department Office-a in report tura koh an ni.

3.Heng bakah hian vawiin November 6, 2026 khan Fisheries Department, Kolasib chuan Tuichhuahen lui hrai a nih thu report an dawn bawhzuiin a hmunah an kalchilh nghal a, sangha leh lui nungcha thi tam tak hmuh niin dan bawhchhe tute manchhuah an nih ngei theih nan Sub-Headquarters YMA, Kolasibte nen tangdunin FIR thehluh a ni.

Fisheries Department chuan dan bawhchhiatna a thleng leh thin hi pawi a ti tak zet a, dan phal loh hmanga sangha man tute mai bakah a zuar chhawng tute thleng pawhin dan anga hrem theih an ni tih Mizo mipuiten hriain dan zawm hram hram turin mipuite a ngen a ni.

More Posts

Zanin atangin third round

EverHome Youth Icon 2026 intihsiakna chu thlitfim chhoh zel a ni a, icon nih tuma an zai video pe lut mi 844 atangin mi 27 thlan chhuah fel an ni tawh. Zan hnih awh tur Third Round intihsiakna chu zanin atangin neih tan a ni dawn. November 10-12, 2026 chhung khan second round intihsiak neih […]

Police-in ruihhlo an man

Police tarlan danin, tukin (17.11.2026) dar 7:05 vel khan Saitual Police te chuan Kualmawi, Keifangah heroin ni ngeia hriat an man. Saitual Police-te hian Duster car B/R No. AS 01 BD 7050 atangin heroin ni ngeia hriat gram 280, cheng nuai 71.42 hua chhut an man. Ruihhlo phurhna lirthei hi T. Lalminlun Haokip (21) s/o […]

Lirtheia chetsualnaah thi

Lalramhluna (30) s/o H Laltanpuia, Vairengte chu lirtheia chetsualna avangin vawiin (17.11.2026) tlai dar 2 vel khan a thi. Bengvarna thudawn danin, Lalramhluna hi naktuka nupui nei tur a ni a, nimin khan a nupui turte khua Kawnpuiah man hlan turin a thianpa nen an kal a, nizan khan man hi an inhlan a ni. […]