Home

News

Dr. Thangtea hoin inkawm

News

Dr. Thangtea hoin inkawm

Dr. Thangtea hoin inkawm

MNF General Headquarters ruahmanna siam anga Vangpui Fehchhuah hun hmang mek MNF Senior Vice President Dr. R. Lalthangliana, MLA chuan vawiin (October ni 31, 2026 ) hian Ailawng, Chungtlang, Rulpuihlim leh Ṭuahzawlte tlawhin party mi leh sate bâkah, khawtlang hruaitute nen inkawmhona hun an hmang.

Dr. Thangtea chuan MNF sorkar leh hunah tax hrang hrang, bill hrang hrang, ration buhfai man a leta pung te, petrol/diesel man sang ta lutukte hi mipui phurrit siam lo zawngin uluk taka an ennawn tur thu a sawi a, “Kan lui ruam ram ṭhate chhawr ṭangkaiin, kut hnathawktuten lei rem kan rah a, kan inchawikan theihna turin sgriculture link road lamah nasa taka hmalak hi MNF a sorkar leh veleh kan tum lian berte zinga pakhat a ni,” a ti.

Dr. R. Lalthangliana hian MNF chuan kawng an ngaih pawimawh thin thu a sawi a, “Pu Zoramthanga kaihhruai sorkar kum 1998 aṭanga kum 2008 inkar khan Mizoram hmun tam takah inkalpawhna kawngpui laih hna a thawk. PMGY hmangin thingtlang khaw 250 chuang Jeep road-in kan sial chhuak vek a, World Bank road (ATL) road, Aizawl to Lunglei kawngpui thar sialin kawng hlui aiin kms. 70 chuang zetin kan pawt tawi a, Aizawl bypass road laihna tur sum kan nawr chhuak hman a, chung sum hmang chuan tunah hian leiverh leh kawngpui sial hna thawh ṭan mek a ni,” tiin Aizawl by-pass road Falkland – Melthum hi World Bank Fund hmanga MNF-in an siam a nih thu a sawi.

More Posts

District Magistrate-in ngenna a siam

Aizawl District Magistrate chuan Krismas leh kumthar vuakveta halpuah leh halmawi hman khapna dan zawm chungchangah ngenna a siam a, “Mipuite hriselna leh himna atan leh kan chhehvel boruak leh leilung a lo thianghlim zawkna atan Mizoram sorkar chuan Halpuah, Halmawi leh a kaihhnawih lam chi reng reng hman, kawl leh zawrh khapna dan ‘The […]

Iron rod endik tan

Legal Metrology chuan an thupek chhuah bawhzuiin nimin (11.11.2026) aṭang khan Aizawlah iron rod hralh dan an edik ṭan. Mizoram chhunga iron rod zawrhte a size a dik loh nasat avangin hei hian mimal leh sawrkar building sak naahte nasa takin nghawng ṭha lo a nei thei a, hetianga rod size te lo lut zel […]

MNF-in Babie-i thusawi an chhanglet

MNF Treasurer Lalruatkima, Revenue Minister hlui chuan vawiin (12.11.2026) hian party office-ah press conference neiin, Aizawl khawpui atanga Assam Rifles sawn chhuah kaihhnawihah party pakhatin sipai pension tawh mi pakhat hmanruaa hmang anga ngaihtheihin thu dik lo an vawrh darh chiam mai nia sawiin, “MNF Party chuan na takin a dem. Thu belhchian dawl lo […]