Home

News

FCAA vangin ngaih a tha lo – MPCC

News

FCAA vangin ngaih a tha lo – MPCC

FCAA vangin ngaih a tha lo – MPCC

MPCC Spokesperson Lalbiakzama chuan Forest Conservation Amendment Act (FCAA) vangin ngaih a that theih loh thu leh kan tu leh fate’n ramngaw hmuh tur an rawn neih tawh dawn loh thu a sawi.

Vawiin (28.10.2025) chhun khan MPCC Spokesperson Lalbiakzama hian Aizawl Press Club-ah press conference koin, FCAA chu national security leh strategic importance chhuanlama hmanga northeast minority state-te min paldarh an tumna hmanrua a nih theih thu sawiin, ‘Manipur leh Ladhakh an sawisak duh dan en hian ngaih a tha thei lo a ni ber ma. National security leh strategic importance issue-te hi sorkar hmanraw tangkai leh duh zawng tih theihna chhuanlam pawimawh leh \ha ber a ni tih police-a kum 32 zet ka thawh chhungin ka hre ve,’ a ti.

Mi thenkhatin FCAA chu FCA amendment chauh a ni a, dan pum FCA 1980 kan hmanlaiin amendment chauh kan hnawl thei lo tia a sawi thu sawiin MPCC Spokesperson chuan, “Article 371G kan neih hma mi a nih vangin tite pawh kan awm a ni awm e. Dan pum piahlamah section leh sub section thlengin article 371G kan neih hnu a mi chu kan duh lo thei teh meuh mai,’ tiin sorkar hna a thawhlai pawhin IPC leh POCSO dan section thenkhatin 371G invoke a, ennawn a tha em tihte pawh an neih ve rum rum thin thu a sawi.

MPCC Spokesperson chuan dan kan nei chung pawhin kan ramngaw chereu nasat tawh dan hretu vek kan nih thu sawiin, ‘Kan tu leh fa tam tak hian Mizote’n ramngaw kan tih hi hmuh tur an neive tawh dawn lo. Kan hriat tlan a tan pawimawh chu kan ramngaw leh nungchate hi mihring tel lo hian an himin an thangduang thei. Mah se, mihringte hi an tel lo chuan kan dam khaw chhuah dawn lo,’ a ti.

More Posts

Kawng sirah thiin hmu

Ramthanpuia (36), Tuidam khua chu tukin (19.11.2026) khan an khua atanga kms. 2 velah a ruang chhar a ni. Thudawn danin, Ramthanpuia (36) hi nimin khan an barrel hunna tur thingtuai la turin a chhuak a, tukin khan kawngpui siamtu Nidhi Company hnathawkten kawngpui sira a mu an hmu a, Tuidam Branch YMA hruaitute an […]

Ramri chungchang sawiho

Vawiin (19.11.2026) hian Buhchangphaiah Kolasib Bawrhsap H. Dolianbuaia leh SP Lalrinpuia Varte bakah Hailakandi Bawrhsap Jay Vikas leh Sr. SP Amitava Sinha-te chu district pahnih Forest DFO-te nen ramri chungchang leh thawhhona ṭha zawk neih dan tur sawihoin an inhmu. He inhmukhawmnaah hian inremna lo awm sa anga ramri dinhmun pangngai (status quo) chu vawn […]

Agriculture Minister-in enfiah

Vawiin (19.11.2026) chhun khan Agriculture Minister PC. Vanlalruata chuan Tuiriala sawhthing sawngbawlna tur (proposed ginger processing) leh sawhthing dah khawmna tur kudam (storage centre) chu a hmunah kal chilhin, a enfiah. PC. Vanlalruata chuan kumthar, February 1, 2027 aṭangin sawhthing lei ṭan leh turin sorkar a inbuatsaih chho mek tih sawiin, “Hemi atana thil ṭul […]