News

Vawiin (14.10.2025) chhun khan Secretariat Conference Hall, MINECO-ah Home Minister K.Sapdanga kaihruaina hnuaiah ‘The Mizoram Regulation of Fireworks Bill,2025’ bihchianna hun neih a ni.

Meeting-ah hian Chief Secretary Khilli Ram Meena leh DGP Sharad Agarwal te bakah Home, Law & Judicial, EF&CC, GAD, H&FW , MPCB, Fire & Emergency, I&PR Department-a high official te, Aizawl DC, AMC Commissioner Aizawl SP, Traffic SP leh Central YMA, Aizawl City Local Council Association, Mizoram Merchant Association(MIMA) hruaitute an tel a ni.

‘The Mizoram Regulation of Fireworks Bill,2025’ Drafting Committee Home Secretary Vanlalmawia Renthlei hoa din niin, vawiin meeting-ah hian draft bill chu uluk taka bihchianga, zirchiang turin an pharh ta a ni. Uluk taka an bihchian hnuah leh huangzau taka sawiho a ni hnuah a thuphungin committee chuan bill hi tha an ti. Law & Judicial Department-te lo chulmam turin an rel.