Home

News

Guest judge an thu dawn

News

Guest judge an thu dawn

Guest judge an thu dawn

LPS Vision Production buatsaih EverHome Youth Icon 2026 boruak a sang chho zel a, zaninah (10.11.2026) second round intihsiakna zan hmasa ber neih a ni dawn a; judge awm sate bakah Guest Judge an thu tan dawn.

November 7,2026 khan first round paltlangte hming puan chhuah a ni a, mi 55 in second round an lut. Round sang zawk intihsiakna hi zaninah neih tan a ni dawn a, zan thum chhung neih tur a ni. A zan hmasa berah mi 19 an in lan ang anga, Nilaini zan leh Ningani zanah te mi 18 ve ve inlan tura ruahman a ni.

Second Round intihsiakna neihah hian a thu chhuak judge pathumte bakah guest judge an awm thin dawn a, zaninah Youth Icon 2019 Zothanpuii chu judge te zingah a thu dawn a, zan dangah pawh Youth Icon atana thlan lo ni tawhten Judge dawhkan an tawmpui thin dawn a ni.

Second round-ah hian contestant-ten Mizo hla pakhat, a tluanin an sa thei dawn a, musical instrument pahnih guitar leh keyboard an hmang kawp thei dawn a, instrument a mal – guitar chauh emaw keyboard chauh hmang duh tan pawh a rem thei dawn.

Contestant-te duh thlannaah dah a ni a. Musical Instrument te chu LPS Studio-ah chhawp chhuah sa a awm a ni.

More Posts

Zanin atangin third round

EverHome Youth Icon 2026 intihsiakna chu thlitfim chhoh zel a ni a, icon nih tuma an zai video pe lut mi 844 atangin mi 27 thlan chhuah fel an ni tawh. Zan hnih awh tur Third Round intihsiakna chu zanin atangin neih tan a ni dawn. November 10-12, 2026 chhung khan second round intihsiak neih […]

Police-in ruihhlo an man

Police tarlan danin, tukin (17.11.2026) dar 7:05 vel khan Saitual Police te chuan Kualmawi, Keifangah heroin ni ngeia hriat an man. Saitual Police-te hian Duster car B/R No. AS 01 BD 7050 atangin heroin ni ngeia hriat gram 280, cheng nuai 71.42 hua chhut an man. Ruihhlo phurhna lirthei hi T. Lalminlun Haokip (21) s/o […]

Lirtheia chetsualnaah thi

Lalramhluna (30) s/o H Laltanpuia, Vairengte chu lirtheia chetsualna avangin vawiin (17.11.2026) tlai dar 2 vel khan a thi. Bengvarna thudawn danin, Lalramhluna hi naktuka nupui nei tur a ni a, nimin khan a nupui turte khua Kawnpuiah man hlan turin a thianpa nen an kal a, nizan khan man hi an inhlan a ni. […]