Home

News

HM-in Kuhva Kut a hmanpui

News

HM-in Kuhva Kut a hmanpui

HM-in Kuhva Kut a hmanpui

Home Minister K Sapdanga chuan vawiin (10.11.2026) hian Hachhek Bial Kuhva Chingtu Pawl (HBKCP) in Kawrthaha Kuhva Kut an buatsaih a hmanpui a, “Khaw chhak ralin min dal zo lo,” a ti.

Kum rei tak chhung khan kan harsatna lian ber chu kan kuhva rah kan hralh thei lo kha a nih thu sawiin K Sapdanga chuan, “A chhan chu Burma atanga dan lova kuhva rawn luh thin khan kan Kuhva thar hralhna a chhe vek a, kan thlan tui a thlawnin a far a, kan kut a thlawnin a durh a, hah taka kan phurh haw sate chu kan kawtkaiah a tawih rim chhe vung vung a ni. Kan hahpui dan
atanga kan chhut a, a man kan chhiar aia a let thuma tlemin min rawn dawn a, mittui nen kan thawhrim rah kan tel thin a nih kha. Khang zawng zawng kha Burma atanga lo kal smuggling Kuhva vang a ni,” tiin dan bawhchhiaa lo lutin dan ang thlapa kan thar a rawn luahlan thu a sawi.

Home Minister chuan dan loa kuhva tawlh tihtawp tumin an dodal tih sawiin, “Ramhnuai kawng pengthuamah riahbuk kan sual a, kan duty tlaivar a, kan tawnfuh changin a phurtu motor-ahte kan han tuan ngawt a, kan harsatna erawh kan sukiang zo lo a, thinrim lungchhiat tizualtu mai a ni. Sorkar thar a lo ding a, Chief Minister-in thupek khauh tak a siam a, a kengkawhtute min han fuih zui a ni. Campaign laia kuhva tawih rim lo hipve hman ta chu fuihpawrh pawh kan nuam ngiang mai. Mawhphurhna kan kova a tluk atanga chawlhkar hnihnaah Burma ramri khawpui Champhai tlang atang ngeiin Burma kuhva lo phurh luh khap a nih tur thu kan han puang a ni. Kan Police leh tlawmngai pawl
YMA-te an lo phur em em a, kum 2025 a lo pumhlum meuh chuan kuhva smuggling tawlh ruk thubuai 468 ziah luh a ni a, mi 292 man an ni. Engkim huama kuhva smuggling tawlhtute dodal tur chuan huam thui ve pawh a ngai viau mai. Pathianin min veng him a, vawiinah hian
Pathian hnenah lawmthu ka sawi a ni.
Khawchhak lama tlawmngai pawl YMA-te leh Police leh Excise force te
thawhrimna chuan rah tha a chhuah tak dan chu keini sawi ai chuan Hachhek Bial naupang pawhin an sawi chiang thei tawh zawk ang chu.
Thawhrimnain rah tha a hlawh phawt chuan, thlantui a tlak tam poh leh kan hahdam a, kut durhte mai mai chu nui var var chungin kan sik keh pawp pawp tawh mai a nih kha,” a ti.

More Posts

Zanin atangin third round

EverHome Youth Icon 2026 intihsiakna chu thlitfim chhoh zel a ni a, icon nih tuma an zai video pe lut mi 844 atangin mi 27 thlan chhuah fel an ni tawh. Zan hnih awh tur Third Round intihsiakna chu zanin atangin neih tan a ni dawn. November 10-12, 2026 chhung khan second round intihsiak neih […]

Police-in ruihhlo an man

Police tarlan danin, tukin (17.11.2026) dar 7:05 vel khan Saitual Police te chuan Kualmawi, Keifangah heroin ni ngeia hriat an man. Saitual Police-te hian Duster car B/R No. AS 01 BD 7050 atangin heroin ni ngeia hriat gram 280, cheng nuai 71.42 hua chhut an man. Ruihhlo phurhna lirthei hi T. Lalminlun Haokip (21) s/o […]

Lirtheia chetsualnaah thi

Lalramhluna (30) s/o H Laltanpuia, Vairengte chu lirtheia chetsualna avangin vawiin (17.11.2026) tlai dar 2 vel khan a thi. Bengvarna thudawn danin, Lalramhluna hi naktuka nupui nei tur a ni a, nimin khan a nupui turte khua Kawnpuiah man hlan turin a thianpa nen an kal a, nizan khan man hi an inhlan a ni. […]