Vawiin (26.10.2026) hian State Drowning Prevention Core Committee chu Health Addl. Secretary Lalnunmawii hoin a pisaah an thukhawm a, tuitla vanga thihna thleng thin laka hmalak dan tur an sawiho.
Health Dy. Secretary Marilyn Rualzakhumthangi’n State Drowning Prevention Committee in ruahmanna a lo siam tawhte a sawizau hnuah, Mizoram chhunga tuitla avanga thihna thleng thin venna kawnga sawrkar hmalak dan turte sawiho a ni. Department tinten an chanpualte lo zirchianga, rawtna leh siamthat ngai awm ang angte Health Dy. Secretary hnehah October 30, 2026 chhun dar 12 hma a theh lut tura tih a ni. Drowning Prevention Committee hi district level-ah pawh din turin an ruahman.
Meeting-ah hian department hrang hrang Irrigation & Water Resources Department, Fisheries Department, School Education Department, CID Crime, Information & Public Relations Department, Health and Family Welfare Department leh Sports & Youth Services Department aiawhte bakah Red Cross Society, Aquatics leh CYMA aiawhte an tel.