Hmasawnna min petu chu Congress &#8211; Lal Thanzara

MPCC chuan vawiin (23.10.2025) hian New West Phailengah Dampa Bial by-election atan campaign an kick off a, MPCC President Lal Thanzara chuan hmasawnna min petu chu Congress Sawrkar a nih thu sawiin, Chief Minister Lalduhoma chuan a mumang a sawi a nih a ring.

Lal Thanzara chuan, ‘Nimin khan Central Minister heta rawn kal khan, ‘central-a Congress Sawrkar hian Mizoram tan engmah an ti lo’ tiin a sawi. Central-a Congress khu District Council min pe tu, UT min pe tu, state min petu an ni. State BJP President Dr K. Beichhua chuan nimin khan central-a BJP Sawrkar khu engkim min petu an ni a ti a, Mizorama hmasawnna sawi tur chi hrang hrang
airport, medical hospital, stadium bakah ram hmasawnna hrang hrang min petu chu Congress Sawrkar a ni,’ a ti.

Kohhran rawngbawltu chu thudik sawi tura beisei an nih thu sawiin Lalduhoma chuan, ‘Chief Minister-in hmanni lawka helai hmuna Thenzawl thlenga rel kawng siam nan cheng vbc. 4,000 an dah a tih kha a mumang a nih ka ring. Mamit District Aspirational District, Mamit District chawikan duh bik atan Congress Sawrkar khan a lo thlang a, in hnufual vang te, an tihduhdah vang leh hmuh hniam vang che u a thlang che u an ni lo. Dawmkan tura an duh district in nih vang a ni,’ tiin CM hian hresual a nih a rin thu a sawi.