Home Minister K Sadanga chuan vawiin (26.10.2026) hian Mizoram Police, Narcotics Control Bureau (NCB) leh Directorate of Enforcement (ED) te thawhhona a sawifiah.
HM THUSAWI
October 23, 2026 khan Mizoram Police, NCB leh ED te chuan Operation Trident hming vuahin hmun hrang hrangah rualkhaiin raid an nei a, Mizoram, Assam leh Manipur state-ah te a ni.Team 38 siamin hmun 38 ah Aizawl, Champhai, Lawngtlai (Mizoram), Churachandpur (Manipur) leh Guwahati (Assam) ah te an lut rual a. a ni.
An man leh an chhuhsak te:Mi 18, detonator 500 leh pawisa fai nuai 12. Bank account 1,424 freeze property Rs. 17.82 crore hu attach a ni.
Thawhhona fel tak:
He operation hi intelligence in-share-na leh ruahmanna fel tak hnuaia kalpui a ni a, drug kingpin te leh an sum chet velna (hawala) tihchhiat tumna a ni. Aizawl, Champhai, Zokhawthar (Indo-Myanmar border), Churachandpur leh Cachar corridor te an huam vek a. Hmun hrang hrangah rualkhai an tih avangin misualte an tlanchhe hman lo va, an thil an thukru hman lo.
Mizoram Police lam –
Mizoram Police chuan Assam Police, Manipur Police te nen tanghovin mi 5 an man.Guwahati atangin: Basanta Doley, Elajyoti Pegu Doley, Jitu KalitaChurachandpur atangin: Paotinmang Haokip, Nemhoiting KhongsaiHeng mite hi inter-state drug tawlh ruk network ah inhnamhnawih nia rinhlelh an ni a, sum kal velna leh drug tawlhruk kawngah an inhnamhnawih.
ED (Enforcement Directorate) lam –
ED Aizawl leh Imphal Sub-Zonal Office ten PMLA Act Section 17 hnuaiah raid an nei a. Aizawl, Champhai, Lawngtlai leh Churachandpur ah te. Bank account 1,424 an freeze a, property Rs. 17.82 crore hu an attach bawk.
Mi 6 an man – Mizoram ah 2, Gujarat ah 1, Manipur ah 3. Hawala operator te, mule-account neitute, dawr lem hmanga sum tihchingpenna leh Champhai-a Mini-ATM te pawh an dap.
NCB lam – NCB chuan Mizoram hmun 13 ah raid neiin mi 7 an man a, pawisa fai nuai 12 leh detonator 500 an man.Aizawl atanga man: Lalduhawma leh Suitei Champhai atanga man an ni, Teresa, Lalbiakhluna, Lalliansanga, Pency leh Laltlanzova Pautu chu Champhai atanga man an ni thung.
He Operation Trident hian state hrang hranga drug tawlh ruk leh a sum chet vel dan chhui chhuah kawnga thawhhona pawimawhzia a tarlang a. Mizoram Police chuan ruihhlo do chu a ngawrh zawka kalpui zel an tum thu an sawi a, Mizoram leh India ruihhlo-free a nih theih nana hmalak zel an tum a ni.