News

Siaha District Police-te chuan nimin (13.10.2025) khan Siaha District Hospital OPD rawktu mi pahnih an man a, pakhat zawk chu jail atanga lo tlan chhuak tawh a ni.

Siaha District Hospital OPD rawktute hi Vanrampana (25), Siaha District Jail atanga lo tlan chhuak tawh leh Lallawmzuala (27), Siahate an ni. Rs. 15,000 an ru a, pawisa hi an lo hmang zo vek tawh a ni.

Vanrampana hi thil ruk vangin Siaha District Jail-ah a tang a, September 9, 2023 a tlan chhuak a ni.

September 15, 2023 khan Central Jail, Aizawla tang, a thianpa kan a tum laiin, duty-te’n ringhlelin, tang tlanchhuak a ni tih finfiah a nih hnuah man a ni.

Jail atang hian lock up-a dah turin Zonuam Police Out Post-a duty-te’n an la a, out post thlen hnua motor ațanga a chhuk pahin a tlan chhuak leh a, a hnuah man leh a ni.

Thlalak : Vanrampana