Home

News

H&TE Minister-in a enfiah

News

H&TE Minister-in a enfiah

H&TE Minister-in a enfiah

Higher & Technical Education (H&TE) Minister Dr Vanlalthlana chuan vawiin (4.11.2026) chhun khan Lunglei tlawhin, Mizoram State University (MzSU) chungchangah official-te leh tlawmngai pawlte nen Lunglei High Powered Committee (HPC) Conference Hall-ah an ṭhu khawm a, MzSU office atana building luah lailawk tur te, MzSU office sakna tur hmun te, Government J. Buana College ram chhunga Women Sports Centre sak mek leh Mizoram Engineering College (MEC) chei ṭhat hna thawh mekte an enfiah nghal.

Lunglei HPC Conference Hall-a inkawm hona hun buatsaihah H&TE Minister Dr. Vanlalthlana chuan Mizoram Engineering College chungchangah kuminah class ṭan hman tum a nih lai leh Mizoram Polytechnic Lunglei (MPL)-ah class ṭan rawih tura ruahman a nih laiin All India Council for Technical Education (AICTE) aṭanga phalna leh pawmpuina (approval) lehkha dawn tlai a nih avangin ṭan theih a ni rih lo tih sawiin, “Theihtawpa hma lak leh bawhzui zel a ni,” a ti.

H&TE Minister chuan MzSU chu office neih fel a nih chuan kalpui nghal theih a nih thu leh a hmun cheina leh bungraw lei nan cheng nuai 50 chuang a awm sa thu sawiin, “A hmun en fel a, hma lak ṭan nghal tum a ni. Office neih a nih chuan thawktu pawimawh indah chhoh zel niin, hma lakna chak taka kalpui chhoh va, kum 2032-ah chuan a nih tur ang taka kaltir turin ruahmanna siam a ni,” tiin MzSU chungchanga Lunglei mipuite ngenna chu sawrkarin zahawm a tih thu leh harsa tak chunga tihhlawhtlin a nih thu a sawi.

Aizawl leh ram mipuite pawhin Lunglei lam ngenna an zah a, an hriat thiam bakah, an pawmpui nia a hriat thu sawiin Dr. Vanlalthlana chuan, “NGO-te leh khawtlang hruaitute’n zirna an ngaihvenna school leh college-ah zirna a ṭhain, khawtlangin an tlawh zin leh an ngaihven, hma an lakpuite chu sikul ṭha ber ber an ni ṭhin. Zavaia ṭan hona kal tlangin zirnaah hmasawnna a awm a, zirna hmanga Mizoram siam ṭhat zel a nih ka beisei,” a ti.

More Posts

Zanin atangin third round

EverHome Youth Icon 2026 intihsiakna chu thlitfim chhoh zel a ni a, icon nih tuma an zai video pe lut mi 844 atangin mi 27 thlan chhuah fel an ni tawh. Zan hnih awh tur Third Round intihsiakna chu zanin atangin neih tan a ni dawn. November 10-12, 2026 chhung khan second round intihsiak neih […]

Police-in ruihhlo an man

Police tarlan danin, tukin (17.11.2026) dar 7:05 vel khan Saitual Police te chuan Kualmawi, Keifangah heroin ni ngeia hriat an man. Saitual Police-te hian Duster car B/R No. AS 01 BD 7050 atangin heroin ni ngeia hriat gram 280, cheng nuai 71.42 hua chhut an man. Ruihhlo phurhna lirthei hi T. Lalminlun Haokip (21) s/o […]

Lirtheia chetsualnaah thi

Lalramhluna (30) s/o H Laltanpuia, Vairengte chu lirtheia chetsualna avangin vawiin (17.11.2026) tlai dar 2 vel khan a thi. Bengvarna thudawn danin, Lalramhluna hi naktuka nupui nei tur a ni a, nimin khan a nupui turte khua Kawnpuiah man hlan turin a thianpa nen an kal a, nizan khan man hi an inhlan a ni. […]