Home

News

Kan CM-in thu awihawm loh a sawi tam hle – R Lalzirliana

News

Kan CM-in thu awihawm loh a sawi tam hle – R Lalzirliana

Kan CM-in thu awihawm loh a sawi tam hle – R Lalzirliana

Vawiin (9.11.2026) hian MNF chuan an office-ah chhung inkhawm an hmang a, thusawitu MNF National Core Committee (NCC) Member R Lalzirliana, Ex. Minister chuan, “Tun sorkar hian sum bat char char hi an tum ber niin a lang. Kan hunah hian sum lamah harsa lo ila, thangtharin rawn rul rawh se, an ti a ang ber,” a ti.

R Lalzirliana chuan opposition-a a awm laiin tuna kan Chief Minister hian sum enkawl thiam ber awm ziazangin a sawi awihawm thiam hle tih sawiin, “Tunah Finance Minister a han ni ta a, bat belh char char bak a thiam lo niin a lang. Mizoram budget hnuhnung ber kha vaibelchhe 17,076.92 a ni a, kan leiba chu vaibelchhe 19,085.15 a ni. Kan budget aia kan leiba tamna chu vaibelchhe 2008.23 a ni. Hetiang hi tun hma khan a la awm ngai lo,” tiin a rapthlak zawk hial thu a sawi.

Kan CM-in thu awihawm lo a sawi tam hle tih sawiin R Lalzirliana chuan, “Darzo kai tui a tlem zia kan hre vek a, megawatt 2,400 pe chhuak thei tui kan khuap ang, te a tia. Vapar chungah sea plane ṭum theihna tui kan khuap ang a, kum 7 pawh ruah sur lo se Champhai leh a chhehvel a chhawm thei ang, tih te a sawi a. Nuih dur durna tur chi a ni. Hengah te hian hmalakna pakhat mah a la awm lo. Mau hriak sawr te a sawi a, kuhva chhumna tui hnang hralh te a sawi bawk. Thu lawi lo sawi ring tlat maite hian Pathian pawh hi an ring tak tak emawn le, tih a ngaihtuah theih,” a ti bawk.

More Posts

Zanin atangin third round

EverHome Youth Icon 2026 intihsiakna chu thlitfim chhoh zel a ni a, icon nih tuma an zai video pe lut mi 844 atangin mi 27 thlan chhuah fel an ni tawh. Zan hnih awh tur Third Round intihsiakna chu zanin atangin neih tan a ni dawn. November 10-12, 2026 chhung khan second round intihsiak neih […]

Police-in ruihhlo an man

Police tarlan danin, tukin (17.11.2026) dar 7:05 vel khan Saitual Police te chuan Kualmawi, Keifangah heroin ni ngeia hriat an man. Saitual Police-te hian Duster car B/R No. AS 01 BD 7050 atangin heroin ni ngeia hriat gram 280, cheng nuai 71.42 hua chhut an man. Ruihhlo phurhna lirthei hi T. Lalminlun Haokip (21) s/o […]

Lirtheia chetsualnaah thi

Lalramhluna (30) s/o H Laltanpuia, Vairengte chu lirtheia chetsualna avangin vawiin (17.11.2026) tlai dar 2 vel khan a thi. Bengvarna thudawn danin, Lalramhluna hi naktuka nupui nei tur a ni a, nimin khan a nupui turte khua Kawnpuiah man hlan turin a thianpa nen an kal a, nizan khan man hi an inhlan a ni. […]