Tuivawl South MNF Block chuan vawiin (16.11.2026) hian Darlawn Community Hall-ah inkhawmpui an hmang a, an hun hmanpuitu MNF Vice President Lalchhandama Ralte, Leader of Opposition chuan MNF chu Pathian ram tihzauna tur din a nih thu a sawi.
MNF Vice President chuan, “”MNF chu Pathian ram tihzauhna tura din a ni. Kan ram leh hnam tan, keini chu a hnuhnung berah kan indah tur a ni. Kum 2028 thlirin, tuna kan kal dan enin MNF kan sorkar leh dawn. Mipuiten enchhin an duh, tunah chuan an enchhin fuh lo tih an hre tawh. Tuivawl Bial atangin arsi a eng zual zel dawn. He sorkar hian ‘kan ti ang ang’ an tih an ti lo a, ‘kan ti lo ang’ an tih a ti chat chat a ni,” a ti.
MPSC chungchang sawiin Lalchhandama chuan, “Kum hnih chhunga corrigendum vawi 20 vel siam a ngai leh kan thalaite an beidawng em em hi khawi state-ah mah a awm ngai lo. Hetianga public service commission a tawp em em mai hi a pawi tak zet a, a bul ber chu ZPM Sorkarin politics hmanga phuba an lak vang a ni. Sorkar hmasain MSSSB a kalpui kha zirchianna pawh awm lovin an thiat a, MPSC thuam chak an tum a, mahse vawiinah chuan eng dinhmun nge an thlen?” tiin mawh la ngam turin Chief Minister a phut.
MNF thuchhuah tarlan danin, MNF Vice President hian an party-ah voter 120 (ZPM 70, INC 23, HPC 6 leh Neutral 21) a lawmlut.