Oct 21, 2025
Tuesday
Vawiin (21.10.2025) hian Lunglei Zobawk huam chhunga kawng chhiat vangin mi eng emaw zatin sikul leh office an kal thei lo
Bengvarna thudawn danin, tukin khan Zobawk South huam chhung NH 54 siamthat hna thawktuten hun rei tak an siam tawh loah truck lian a tang a, lirthei dang tan hel ngaihna a awm lo. Heivang hian zirlai eng emaw zatin sikul an kal thei loa, office kal thei lo pawh an tam. Sumdawng leh zin veivakte pawhin harsatna an tawh phah.
Zobawk khawtlang hruaitute sawi danin, kawng chhia avang hian mipui an lungawi tawh lo hle a, total bandh emaw peaceful demonstration neih an duh tawh viau. Mipui duhdan anga kal ngaih hun pawh a la awm maithei.
Kawng chhe zuallai hi metres 100 pawh a tling loa, Zobawk South Local bultumin a siamthat hnate lo thawh a ni tawh.
