Kuhva rah a kung a mi bo thin

Kuhva Ching Association, Kolasib (KCAB) chuan tunhnai khan Kolasib DC hnenah lehkhathawnin, an kuhva kunga rahte ruksak thin an mih thu an tarlang.

KCAB chuan Kolasib District chhungah kuhva chin an uar chho ta hle tih tarlangin, ‘Association a in ziak lut chin pawh hi chhungkua 600 chuang kan ni ve der tawh a ni. Kuhva an rah a, a khar turten an han khar chhoh bawr velah hian mi huan a kuhva rah lo ruk ching leh ruksa lo lei chhawn sak an awm nual mai a, he’ng tih chingte hi association chuan kan ngaimawh hle. A bik takin hnam dang kuhva rawn khar tute hian kan kuhva an khar to ngam loh phah thin a ni,’ an ti.

An kuhva rah bo chungchang bawhzui hian association hruai tute an vir buai thin hle KCAB chuan, A sawrkar anga min tanpui a, kan hma lak tum dante a theih ang ang a min puan zar sak turin kan ngen a che. He kan thu rawn thlen hi Kolasib khaw chhung bik tan a ni a, veng chhung FLS te, TV scroll te leh tualchhung chanchinbu ho ah te min chhuah sak tur in kan ngen a che,’ tiin an hmalaknate a hlawhtlin zawk theih nan police lam pawh hrilh hriat sak nghal turin DC hi an ngen.