News

HIV/AIDS donaa thawh that vanga tun hnaia chawimawina dawngtu Vanlalruati hnenah Mizoram State AIDS Control Society Project Director Dr Jane Rinsangi Ralte chuan vawiin (October 7, 2025) chhun khan MSACS hmingin lawmpuina a hlan. Vanlalruati hi HIV positive niin, Positive Women Network of Mizoram (PWNM) kaltlangin hun rei tak HIV/AIDS doin hma a la tawh a, a hmalakna avangin We Serve India Forbes India chuan tun hnai khan Women Led Social Innovation Award an hlan a ni. Lawmpuina inkhawmah hian Vanlalruati bakah, hmeichhia HIV positive thenkhatte leh PWNM Managing Board hotute pawhin thu an sawi a ni.