Home

News

Lehkhabu Pho Runpui

News

Lehkhabu Pho Runpui

Lehkhabu Pho Runpui

Mizo Writers Association buatsaih ‘Lehkhabu Pho Runpui Thawh 6-na’ chu vawiin khan Vanapa Hall-ah Information, Public Relations, Printing & Stationery (IPRP&S) Minister B.Lalchhanzova chuan a hawng a, lehkhabu chhiar ngaisang hnam kan nih chuan ram te kan nih ngai loh tur thu a sawi a ni.

Lehkhabu Pho Runpui Thawh rukna hi October 16 atanga October 24 thleng neih tur niin, zing dar 10 atanga tlai dar 6 chhungin a duh apiang tan hawn a ni ang. Zirtawpni bik chuan zan dar 9 thleng hawn a ni thung ang. He hun buatsaihna atan hian MWA-te hian Labour, Employment, Skill Development and Entrepreneurship (LESDE) Department atangin Rs. 80,000 an dawng a ni.

Lehkhabu hlui leh copy tam lo tih lo vah chuan lehkhabu pho chhuah tam zawkte hi a man pangngai aia tlawma zawrh niin lehkhabu hlui, lehkhabu dawra lei tur awm mang tawh lo thahnem tak a awm. Tun dinhmunah hian ziakmi 128 (za sawmhnih leh pariat)-te lehkhabu ziah chu pho chhuah niin lehkhabu chi hrang hrang 1,000 (sang khat) vel pho chhuah a ni.

Lehkhabu Pho Runpui hmasa ber hi hi kum 2019 khan neih niin a buatsaihtu, Mizo Writers Association-te hi kum 1977 khan din an ni. Tun dinhmunah hian an President R.Lallianzuala hona hnuaiah MWA member-te hi 298 (za hnih sawmkua leh pariat) an awm mek a ni.

More Posts

Kawng sirah thiin hmu

Ramthanpuia (36), Tuidam khua chu tukin (19.11.2026) khan an khua atanga kms. 2 velah a ruang chhar a ni. Thudawn danin, Ramthanpuia (36) hi nimin khan an barrel hunna tur thingtuai la turin a chhuak a, tukin khan kawngpui siamtu Nidhi Company hnathawkten kawngpui sira a mu an hmu a, Tuidam Branch YMA hruaitute an […]

Ramri chungchang sawiho

Vawiin (19.11.2026) hian Buhchangphaiah Kolasib Bawrhsap H. Dolianbuaia leh SP Lalrinpuia Varte bakah Hailakandi Bawrhsap Jay Vikas leh Sr. SP Amitava Sinha-te chu district pahnih Forest DFO-te nen ramri chungchang leh thawhhona ṭha zawk neih dan tur sawihoin an inhmu. He inhmukhawmnaah hian inremna lo awm sa anga ramri dinhmun pangngai (status quo) chu vawn […]

Agriculture Minister-in enfiah

Vawiin (19.11.2026) chhun khan Agriculture Minister PC. Vanlalruata chuan Tuiriala sawhthing sawngbawlna tur (proposed ginger processing) leh sawhthing dah khawmna tur kudam (storage centre) chu a hmunah kal chilhin, a enfiah. PC. Vanlalruata chuan kumthar, February 1, 2027 aṭangin sawhthing lei ṭan leh turin sorkar a inbuatsaih chho mek tih sawiin, “Hemi atana thil ṭul […]