Vawiin (31.10.2026) chhun dar 1 vel khan Isak Malsawmtluanga (21) s/o Lalzawngliana, Tachhip khua chu lirtheia chetsualna vangin a thi.
Thudawn danin, Isak Malsawmtluanga hi Zakaria Lalruatkima (17) s/o C Lalhriatpuia, Tachhip khua nen lumet turin bike-in an chhuak nia hriat a ni a, an hawlam chu Muallungthua tuibur zawrhna bul velah maxi cab nen an insu a, chetsualna hmunah hian a ka pawh chhawn loin a thi. A ruang chu postmortem turin Zoram Medical College & Hospital-ah postmortem tura lak a ni.
Isak Malsawmtluanga hian nupui a nei a, fa an la nei lo. A ruang hi zaninah lumenpui tur niin, naktuk chhun dar 12 ah vui a ni ang. Zakaria Lalruatkima chu ZMC&H ah admit a ni a, hriat theih chin maiah chuan hliamna lutuk a tuar loa, biak pawh a biak theih a ni. Test hrang hrang an ti a, he thuziahlai a result hriat a la ni lo.