The Mizoram Liquor(Prohibition) Amendment Act, 2025 hnuaia Mizoram Sawrkarin Local Fruit Beer siamna tura hmalakna kal mekah vawiin (November 10, 2026) hian Commissionerate of Excise & Narcotics Conference Hall-ah The Mizoram Banakaih (Handholding) Scheme leh Selection & Regulatory Committee for Brewery & Winery buaisaihin nilengin One-Day Training on Sensitisation of Rules & Regulations an nei.
He training hi Excise Joint Commissioner Peter Zohmingthanga kaihhruaiin mi thiam bik ten heng – Food Safety, Food Processing, Financial Management te bakah Local Fruit Beer siamna chungchang kaihhruaina – Standard Operating Procedure (SOP) in zirtirna an nei. Local Fruit Beer siam chhuahna turin a siamtu tur diltu eng emaw zat atangin mi 12 thlan fel ni tawhin manufacture licence pek tawh an ni. Heng bakah hian mi thenkhat licence pek mai theih an la awm. Engzatin nge Local Fruit Beer hi siam dan tih a la chiang lo.
Heng atanga an thilsiam chhuahte hi distributor thlan chhuahte hnenah pek chhuah an ni ang a, chumi atang chuan mipuite hnenah zawrh chhuah a ni ang. Local Fruit Beer siam hi Mizorama huan neitute dawmchhuahna tur atana sawrkar ruahman a nih angin Mizorama thar chhuah ngei thei leh thlai dang atanga siam chhuah tur a ni ang.