Lungleia dah ngei phut

Mizoram State University Demand Committee, Lunglei vawiin (30.10.2025) a thukhawm chuan Mizoram Sorkarin State University Bill a pawm tawh chu Assembly Session hmasa berah tih danglam an phut, chhim lam tan Lungleia dah an duh.

Lungleia MZP leh MSU kaihhruai Mizoram State University Demand Committee, Lunglei hian Mizoram Sorkarin State University din tura ruahmanna a siam chhoh dan atangin Mizoram State University chu Lunglei-a College awm sate leh Chhim lam – Hnahthial, Lawngtlai, Siaha leh Chawngte-a College te hmang tangkaiin Lungleiah a din theih tih a lang chiang hleah an ngai a, State University Bill pawm tawh chu Assembly Session hmasa berah tih danglama, chhim lam tan Lungleia dah an phut.

Mizoram State University Demand Committee chuan Mizoram State University chungchanga ruahmanna awm tawh sa hi Assembly Session hmasa berah tih danglam a nih leh nih loh ngaihchan an tum a, ruahmanna tih danglam a nih loh chuan a tul angin hma an lak chhunzawm dawn.