News

MI 702 LOAN DILNA PAWM TAWH

Mizoram State Policy Coordination Committee (MSPCC) chu nimin (13.10.2025) khan Planning & Programme Implementation Department Committee Room-ah Vice Chairman Dr. KC Lalmalsawmzauva hoin an thukhawm a, loan 702 pawm a ni tawh thu tarlan a ni.

Meeting-ah hian Handholding Scheme hnuaia loan component atanga loan pekchhuah dan thlirho a ni. An tarlan danin, loan dilna lut zawng zawng 11,439 atangin loan 702 approve tawh a ni a, diltu 201 in an dawng tawh. Scheme hnuaia bank thawhpui (Partner Banks) ten bank an pekchhuah danah Mizoram Rural Bank-in an pechhuak tam ber a, loan 152 pechhuak tawh in, pending erawh 176 an nei. State Bank of India-in 40 pe chhuak tawhin la chinfel loh 84 an nei. Mizoram Cooperative Apex Bank in loan 17 pechhuak tawh bawkin chinfel hmabak 25 an nei a ni.

Heti hian loan atana sum pekchhuah zawng zawng zat belhkhawm chu Rs. 14,41,60,600 a ni. Phase-I hnuaia DPR approve ngai tlem la awmte chu meeting-ah hian an thlirho.

Cm Special Package hnuaiah Phase-I chhungin dilna lut zawng zawng 29,571 atangin 2258 thlanchhuah a ni a, a vain sum pekchhuah zat chu Rs. 18,33,58,370 a ni.

Handholding Scheme Phase-II dilna hawn tan leh mek niin, nimin thleng khan loan dilna 132 a lut tawh a, CM Special Package hnuaiah dilna 22,365 a lut tawh bawk.