Home

News

Minister-in central hotute a dawr

News

Minister-in central hotute a dawr

Minister-in central hotute a dawr

New Delhi-a cham mek Minister of State Lalnghinglova Hmar chuan nimin (27.10.2026) khan Ministry of Skill Development & Entrepreneurship leh Ministry of Youth Affairs & Sports hotute a kawm a, Mizoram hmasawnna tura invest thei tur company aiawhte nen an inkawm bawk.

LESDE Minister Lalnghinglova Hmar leh Ministry of Skill Development & Entrepreneurship (MSDE) Secreatry Debashree Mukherjee-te chu Kaushal Bhawan-a MSDE Secretary office-ah an inkawm a. MSDE hnuaia scheme hrang hrang, a bikin ITI tihhmasawnna tur scheme lian PM-SETU leh skill development scheme PMKVY, a Mizoram dinhmun an thlirdun. Chak zawka hma lak dan leh harsatna awmte chinfel dan tur sawidunin ruahmanna an siam.

Mizoram Sorkarin MSDE scheme hnuaia sports training kalpuina tur proposal a thehluh tawh pawh an sawidun nghal. LESDE Minister chuan, “Minister ka nih tirh atangin sports-ah nasa zawka skill training kalpui a tul zia ka tlangaupui a. Sports Ministry-ah pawisa a tam lo a, sports chu skill a nih tho bawk avangin Skill Development Ministry-ah kum 2024 ah proposal kan thehlut. India-in Olympic Games 2036 thlen a tum avangin infiammite mai bakah coach-te pawh training pek a tul tawh takzet a ni,” tiin sports leh skill development kaihkawpna tura Mizoram Sorkar proposal thehluh chu tihhlawhtlin a pawimawh thu a sawi.

MSDE Secretary pawhin Mizoram Sorkar rawtna chu an zirchiang tawh tih a sawi a, MSDE Scheme phal chin mila her remin, a theih chin chinah hma a lakpui ngei tur thu Minister a lo hrilh a ni.

Sports Minister Lalnghinglova Hmar leh Ministry of Youth Affairs & Sports (MYAS) (Khelo India) Joint Secretary Vineel Krishna chu nimin vek khan inkawmin, medal tamna leh Mizote tana hmabak eng bik sports discipline-ah chak zawka hmalak dan tur ruahmanna an siam. Mizoram Sorkar in hmathlir mumal tak neiin sports a kalpui thu leh, Central Sorkar bakah corporate leh vantlang nen pawh thawhhona tha an nei a, rah a chhuah mek tih Minister chuan a sawi.

MYAS Joint Secretary pawhin sports-a Mizoram hmalaknate chu lawmawm a tih thu lo sawiin, Empowering Mizoram Sports an lo hmelhriat tih a sawi a. ports discipline thlan bîk neih chungchanga Ministry duh dante an sawiho nghal a ni.

Lalnghinglova Hmar hian nimin vek khan Hotel Ashok, New Delhi-ah Mizoram invest duh company aiawhte nen ‘business interaction’ neiin, Mizoram hmasawnna tura thawhho theih dan an sawiho. He hunah hian company leh institution aiawh thahnem tak telin, Mizorama invest tura hmathlir an neihte Minister hmaah an chhawpchhuak a ni. Minister chuan proposal-te chu zirchiana ngaihtuah a nih tur thu a sawi a. Mizoram chu ralkhat atanga thlir mai lova, a hmun ngeia zirchianga proposal siam turin a sawm a ni.

More Posts

MPCC-in resolution an pass

MPCC chuan vawiin (18.11.2026) chhun khan Congress Bhavan-ah executive meeting an nei a, MPCC President Lal Thanzara’n politics a khelh chhan a sawi bakah, resolution an pass. Lal Thanzara chuan politics a khelh chhan chu chief minister nih a nih loh thu sawiin, “Ka tum ber chu kum 2028-a Mizorama Congress a sorkar ngei theih […]

Zanin Youth Icon chhunzawm dawn

EverHome Youth Icon 2026 third round intihsiakna chu zanin (18.11.2026) dar 8-ah neih leh a ni dawn a, Youth Icon 2024 Lalsangliana (Taitea) chuan amah lo endik tawhtute dawhkan tawmin guest judge-ah a tang dawn. Third round intihsiak zan khatna chu Thawhlehni zan khan LPS Studio, Zarkawtah neih a ni a, a zan hnihna chu […]

Lokyukta-in report an thehlut

Mizoram Lokayukta Act, 2014 bung 47-nain a phut angin Lokayukta Chairperson Lalmalsawma, IAS, (Rtd.) chuan vawiin (18.11.2026) hian Larsap General Vijay Kumar Singh hnenah Mizoram Lokayukta Annual Report Pasarihna a thehlut. Annual report hian April 1, 2025 atanga March31, 2026 inkar a huam a, Mizoram Legislative Assembly thutkhawmah pharh a ni ang. Lokayukta Chairperson hi […]