Home

News

Minister-in certifcate a hlan

News

Minister-in certifcate a hlan

Minister-in certifcate a hlan

Vawiin (3.11.2026) chawhnu dar 2 khan Sports Minister Lalnghinglova Hmar chuan a office-ah Mizoram State Sports Council-in PMKVY-STT hnuaia Sports Nutritionist leh Strength & Conditioning Coach training a buatsaiha training chhuakte hnenah certificate a hlan.

Lalnghinglova Hmar chuan Mizo infiamnaah bung thar kan kai thu sawiin, “A lawmawm hle. Mihring chuan hmathlir neiin thil kan ti thin a, nangni hi kan hmathlir neihte zinga a hlawhtlinna hmasate zinga mi in ni. Integrating sports as skill tih thupuiah niin engtinnge Mizoram-ah hian sports leh skill development hi a kalkawp theih ang tih ngun taka ngaihtuahin a kawng kan zawng a, a kalpui theih dan hi sorkar laipui lamah pawh kan zuk hriattir tawh a ni. Vawiina zirchhuakte hi hmasawn zel in duh tih ka hmu a, hei hian min ti lawm. Hmasawnna sang tak tak kan neih dawn hi chuan kan danglam a ngai tawh thin,” a ti.

Sports Nutritionist leh Strength & Conditioning Coach training hi PMKVY hnuaia Mizoram State Sports Council in skill training a buatsaih hmasak ber a ni a, tun tumah hian Sports Nutritionist ah mi 9 an training chhuak a, Strength & Conditioning Coach-ah hian mi 12 an training chhuak ve thung. Sports Nutritionist training hi February 16, 2026 atang June 24, 2026 ah an zo. Strength & Conditioning Coach hi March 3, 2026 atangin July 8, 2026 thleng neih a ni ve bawk. He training a zir chhuakte hi Skill India hnuaia certified vek an ni a, an certificate hi India ram pum huapin pawm vek a ni.

Sports Minister chuan sawi chhunzawmin, “Kan thlensan dawn chuan kan hriat dik a ngai tawh a, tunhma in Mizo rilruah zir hranpa ngai lovin ka thiam tih ngaihtuahna a lian thin, mahse a thiamna tak tak nei kim tur chuan zirchhuah ngei a ngai. Vawiinah hian midangte tana kawng hawngtu kan ni a, thahnemngai taka kan tih hian nghawng a nei thin a, kan hnu leh amite pawhin an rawn chhunzawm zel chuan nghawng tha a nei zel dawn a ni.” a ti a. “A hmasa ber in nihna hi a pawimawh a, midangte zirtirtu kan la ni zel thei dawn,” tiin an hmachhawp hrang hrangahte an la tangkai dawn thu a sawi.

More Posts

MPCC-in resolution an pass

MPCC chuan vawiin (18.11.2026) chhun khan Congress Bhavan-ah executive meeting an nei a, MPCC President Lal Thanzara’n politics a khelh chhan a sawi bakah, resolution an pass. Lal Thanzara chuan politics a khelh chhan chu chief minister nih a nih loh thu sawiin, “Ka tum ber chu kum 2028-a Mizorama Congress a sorkar ngei theih […]

Zanin Youth Icon chhunzawm dawn

EverHome Youth Icon 2026 third round intihsiakna chu zanin (18.11.2026) dar 8-ah neih leh a ni dawn a, Youth Icon 2024 Lalsangliana (Taitea) chuan amah lo endik tawhtute dawhkan tawmin guest judge-ah a tang dawn. Third round intihsiak zan khatna chu Thawhlehni zan khan LPS Studio, Zarkawtah neih a ni a, a zan hnihna chu […]

Lokyukta-in report an thehlut

Mizoram Lokayukta Act, 2014 bung 47-nain a phut angin Lokayukta Chairperson Lalmalsawma, IAS, (Rtd.) chuan vawiin (18.11.2026) hian Larsap General Vijay Kumar Singh hnenah Mizoram Lokayukta Annual Report Pasarihna a thehlut. Annual report hian April 1, 2025 atanga March31, 2026 inkar a huam a, Mizoram Legislative Assembly thutkhawmah pharh a ni ang. Lokayukta Chairperson hi […]