Home

News

Mipui thlawpna kan ngen – MNF

News

Mipui thlawpna kan ngen – MNF

Mipui thlawpna kan ngen – MNF

MNF chuan thuchhuah siamin, naktuk (29.10.2025) a Forest Conservation Amendment Act (FCAA) adopt duh loh lantirna atana total bandh an huaihawt turah mipuite thlawpna an ngen a, ‘Hemi nia duty a fehchhuakte min zah sak vek turin mipuite kan ngen tak meuh meuh a ni,’ an ti.

An party rorelna sang National Executive Meeting(High Command) in alo rel tawh angin loh theih loha, FCAA 2023 dodalna total bandh neih a ngai ta hi a pawi an tih thu tarlangin MNF chuan, ‘He act an pawmna hnukkir leh tura sawrkar kan ngennain awmzia a neih tak loh avangin, hnukkir leh tura Zoram mipuiin kan ngenna a taka kan lantir theih hun buatsaih alo ngai ta a ni. Dan sakei, Zoram pumpui forest nei loa min chhuahtu leh kan inhumhimna dan hlu ber Art. 371G engmah loa chantirtu FCAA 2023 hi kan hnawl ngam a ngai,’ tiin total bandh ni 29.10.2025(6Am – 4Pm) a an huaihawt tur thlawp a, hemi nia duty a fehchhuakte zah sak vek turin mipuite an ngen tak meuh meuh tih an tarlang.

MNF chuan, ‘Kan ram, kanhHnam leh kan sakhaw humhim nan he bandh hmang hian Zoram mipuiten kan awmhmun theuha thlawpna min pek vek kan beisei. Mipui thiltihtheihna hmanga he dan tha lo hi hnawl a nihna a taka lantir theitu vek kan nihna hre renga, tluang taka he band hi neih a nih ngei kan beisei tlat. Kan ram hi kan ta, midangte thuneihna tur ni loin, keimahni mipuite thuneihna tur a ni,’ an ti.

More Posts

Kawng sirah thiin hmu

Ramthanpuia (36), Tuidam khua chu tukin (19.11.2026) khan an khua atanga kms. 2 velah a ruang chhar a ni. Thudawn danin, Ramthanpuia (36) hi nimin khan an barrel hunna tur thingtuai la turin a chhuak a, tukin khan kawngpui siamtu Nidhi Company hnathawkten kawngpui sira a mu an hmu a, Tuidam Branch YMA hruaitute an […]

Ramri chungchang sawiho

Vawiin (19.11.2026) hian Buhchangphaiah Kolasib Bawrhsap H. Dolianbuaia leh SP Lalrinpuia Varte bakah Hailakandi Bawrhsap Jay Vikas leh Sr. SP Amitava Sinha-te chu district pahnih Forest DFO-te nen ramri chungchang leh thawhhona ṭha zawk neih dan tur sawihoin an inhmu. He inhmukhawmnaah hian inremna lo awm sa anga ramri dinhmun pangngai (status quo) chu vawn […]

Agriculture Minister-in enfiah

Vawiin (19.11.2026) chhun khan Agriculture Minister PC. Vanlalruata chuan Tuiriala sawhthing sawngbawlna tur (proposed ginger processing) leh sawhthing dah khawmna tur kudam (storage centre) chu a hmunah kal chilhin, a enfiah. PC. Vanlalruata chuan kumthar, February 1, 2027 aṭangin sawhthing lei ṭan leh turin sorkar a inbuatsaih chho mek tih sawiin, “Hemi atana thil ṭul […]