Home

News

Mizo La Deh leh Zethlan tlangzarh

News

Mizo La Deh leh Zethlan tlangzarh

Mizo La Deh leh Zethlan tlangzarh

Nimin (17.10.2026) khan Art & Culture Director Carol VLMS Dawngliani chuan Art & Culture Director hlui Boichhingpuii, Chaltlang lehkhabu ziah ‘Mizo La Deh leh Zethlan (2nd Edition: Revised & Enlarged)’ chu Aijal Club-ah a tlangzarh.
He lehkhabu hi kum 2016 khan tihchhuah tawh niin, 2nd edition-ah hian bung 5 belh a ni . Chhut hmasak a tel lo thlalak 85 dah belh ni bawkin, a vaiin thlalak 444 a awm tawh.

Lehkhabu buatsaihtu Pi Boichhingpuii chuan lehkhabu a buatsaih chhan sawiin, “Mizo puan hrang hrang a enin a zia leh tah dan dik lo tam tak a hmu thin. A tahtute leh a zuartute’n ‘Ka pi, nangmah chauhin i hria. Miin an hre tak tak lo. A tak tak chu tah a harsa a, a buaithlak’ ti thin mahse, pipute atang a puan leh zethlante a dik tak ang a vawn nun leh tih lar zel a duh avangin leh a dik tak a bo zawh mai a hlauh avangin a bu a siam ka duh ta a ni,” a ti.

Tun hnuah hluttu an tam avangin chhut hnihna a buatsaih leh ta tih sawiin Boihchhingpuii chuan, “2nd Edition chu a hranpa a han tlangzarh leh a inthlahrun rualin, kum li emaw lai a buaipui avangin ka chhungte’n tlangzarhna inkhawm buatsaih loh an ui a ni. Tin, keimah pawhin ka thu lakna mi hlu tak tak, a then chu kum upa tak tak ni tawh leh a then chu mual liam tawh an nih avangin thangtharte’n an hriat loh hlen ka hlau,” tiin an tlangzarh leh chhan a sawifiah.

Tlangzarhtu Carol VLMS Dawngliani chuan kum 1979 khan Tribal Research Institute hmalaknain ‘Puan: The Pride of Mizoram’ tih chu tlangzarh a nih thu sawiin, “A hunlai atan chuan tha viau a mah se, tun hnuah miin an duhkhawp ta lo deuh. Kum 17 lai Art & Culture Director lo ni tawh Pi Boichhingpuii’n lehkhabu thar a rawn siam hi a hlu hle a ni. Hun a inher a, khawvel a danglam zel laiin ziaka dah leh chhinchhiah hi a pawimawh,” a ti.

Tlangzarh inkhawm hi Padma Shri leh Sangeet Natak Akademi Award dawngtu Prof. Laltluangliana Khiangte chuan kaihruaiin, Padma Shri C Chhuanvawra chuan lehkhabu hi a thlirlawk.

More Posts

Kawng sirah thiin hmu

Ramthanpuia (36), Tuidam khua chu tukin (19.11.2026) khan an khua atanga kms. 2 velah a ruang chhar a ni. Thudawn danin, Ramthanpuia (36) hi nimin khan an barrel hunna tur thingtuai la turin a chhuak a, tukin khan kawngpui siamtu Nidhi Company hnathawkten kawngpui sira a mu an hmu a, Tuidam Branch YMA hruaitute an […]

Ramri chungchang sawiho

Vawiin (19.11.2026) hian Buhchangphaiah Kolasib Bawrhsap H. Dolianbuaia leh SP Lalrinpuia Varte bakah Hailakandi Bawrhsap Jay Vikas leh Sr. SP Amitava Sinha-te chu district pahnih Forest DFO-te nen ramri chungchang leh thawhhona ṭha zawk neih dan tur sawihoin an inhmu. He inhmukhawmnaah hian inremna lo awm sa anga ramri dinhmun pangngai (status quo) chu vawn […]

Agriculture Minister-in enfiah

Vawiin (19.11.2026) chhun khan Agriculture Minister PC. Vanlalruata chuan Tuiriala sawhthing sawngbawlna tur (proposed ginger processing) leh sawhthing dah khawmna tur kudam (storage centre) chu a hmunah kal chilhin, a enfiah. PC. Vanlalruata chuan kumthar, February 1, 2027 aṭangin sawhthing lei ṭan leh turin sorkar a inbuatsaih chho mek tih sawiin, “Hemi atana thil ṭul […]