Tukin (16.11.2026) khan Aizawl West-I Bialtu MLA TBC Lalvenchhunga, Adviser to Chief Minister (Finance & Planning) chuan a bial chhung Tanhrilah ar vulha eizawnna bulṭan duh chhungkaw 10 thlan chhuahte hnenah an bulṭanna tur, ar note 100 ṭheuh leh a chaw bag hnih ṭheuh bakah tui pekna a pe.
TBC Lalvenchhunga hian hun hmasa lamah a bial chhung Rangvamual leh Phunchawngah chhungkua eng emaw zat hetiang hian an bulṭanna tur a lo pe tawh a ni. Tun ṭum hi a thawhthumna niin, a bial chhung veng dangah pawh a ṭul dan anga kalpui zel a tum.
Ar vulha eizawnna bulṭan tum ar note dawngtute chuan, Bialtu MLA viakṭha leh a ngaihna hria bial mipuite ngaihsak leh an harsatna ngaihthlak saka, a tih theih chin chinah an harsatnate sutkian sak tura theihtawp chhuah ṭhin MLA an nei chu an lawmthu an sawi tih ZPM thuchhuah chuan a tarlang.
TBC Lalvenchhunga pawhin bulṭanna tura ar note dawngtu, tih takzeta bei chhunzawmte chu ṭanpuina awmthei ang angte ngaihtuah sak chhunzawm a tum thu sawiin, taimakna leh thawhrimna nen hlawhtling tura bei hram hram turin ar Note dawngtute chu a chah a ni.
Ar note dawngtute hnenah hian Bialtu MLA aiawhin Aizawl West-I Block- I President Lalthankhuma’n a hlan a ni.