Home

News

MNF-in Babie-i thusawi an chhanglet

News

MNF-in Babie-i thusawi an chhanglet

MNF-in Babie-i thusawi an chhanglet

MNF Treasurer Lalruatkima, Revenue Minister hlui chuan vawiin (12.11.2026) hian party office-ah press conference neiin, Aizawl khawpui atanga Assam Rifles sawn chhuah kaihhnawihah party pakhatin sipai pension tawh mi pakhat hmanruaa hmang anga ngaihtheihin thu dik lo an vawrh darh chiam mai nia sawiin, “MNF Party chuan na takin a dem. Thu belhchian dawl lo hmanga MNF Party leh MNF sorkar liam ta tihmingchhetute hian ngaihdam dil a, mipui hmaa thu dik zawk November 2026 ral hma ngeia an puang zar a nih loh chuan a tul ang zelin, Law Court-a khin thlengin MNF chuan hma a la dawn a ni,” a ti.

Party pakhat chuan thiam takin, an party hruaitu lawk tak chhungkua a mi nia hriat, sipai pension fel tak leh chhuanawm tak ni thin, Major Babie Lalduhsangi (Rtd) chu hmanruaah hmanga ngaihtheihin, Aizawl khawpui lailia Assam Rifles chhuahsan ram chungchangah thu dik lo leh belhchian dawlo Zoram mipui hmaah nasa takin an theh darh nia sawiin Lalruatkima chuan, “Assam Rifles chhuahsan tur ram humhalh kawnga engkim bul tantu, huaisen taka hmalatu leh dan khauh tak pawh duangtu, MNF Party leh MNF sorkar chu ram chandarhtu zawk ang hial leh, mimal hnena ram tam tak petu anga ngaih theih tura thu dik tawk lo thehdarh a ni hi MNF Party tan chuan en liam mai theih a ni lo,” tiin thudik hriat hi mipui chanvo a nih avangin vawiinah hian thu dik awmsa sawinawn a tul phah tak thu a sawi.

MNF Treasurer- in Youtube kaltlanga Major Babie Lalduhsangi thusawiah khan belhchian dawl lo leh dik tawk lo a awm nia an hriat a sawite.

1.Lammual football ground LSC hmun 4 a thendarh fel tawh anga a sawi hi tu hminga LSC chu siam nge? engtik kuma issue nge, mipui hriatah leh hmuh theih turin amah leh Mizoram Sawrkar hian a puanzar kan phut a ni.

2.Assam Rifles chhuahsan tur rama LSC lo neite documents khatih laia Opposition MLA Lalduhoma hnena a pe chat hian sorkar hnathawkte kaihhruaina CCS Conduct Rule a kalha, list zawng zawng pe veka a sawi ang ngei hian tuna kan CM Lalduhoma hian Lammual football ground a LSC hmun 4-a then neitu hi a rang thei ang berin thup nei lovin mipui hmuh theih turin pholang ngei rawh se.

3.LSC 60 chuang hmuchhuak anga a sawi hi, 1st Assam Rifles Bn. HQ Office and Main Barrack area ah hian LSC 54 a awma, chung zinga Land lease 4 te chu vantlang ta tur Bethlehem Veng VC Court, PHE Dept leh Primary school atan pek a ni. Commandant Complex Tuikual South ah LSC 4 awm a, Nursing Staff Quarters, Zarkawt ah LSC 3 a awm bawk a ni. LSC te hi a hmuh chhuah ni lovin sorkar record awmsa ani. MNF sawrkar laia ngaihtheih tura, Assam Rifles hmun hi mimal 60 chuang hminga LSC a awm tawh thu a sawi hi LSC neituten an neih hun hi party dang sawrkar lai a nia. MNF sawrkar chuan thahnem ngai taka Aizawl khawpui laili atanga Assam Rifles te sawn chhuah a tum reng avangin Mi pamham leh thil tithei ten LSC an neih mai lohna turin mimal hnena ram pek phal lohna dan The Mizoram (Restriction on use of transferred land) Act, 2002 – khan a lo siam daih tawh a ni. MNF Ministry 2018-2023 alo pian khan, kan sorkar atanga Ni 94 chhung lek khan (Council of Ministers meeting 8/3/2019) chuan LSC lo nei tawh te cancell vek tur in a rel a, LSC te hi Cancell turin nasa takin hma ala zui bawk a ni.

4.Assam Rifles chhuahsan ram reng reng mipui hnena sem/pek a ni thin tia a sawi hi MNF sawrkar laia Khatla Venga Assam Rifles in ram zau tak an chhuahsan hi Sawrkar ram vek niin mimal kutah pakhat mah pek a ni lo. Sawrkar kutah vek a awm a ni. Rambuai lai khan khaw thenkhatah sipaiten mimal In hmun lo ram an luah lan leh luah luih sak tam tak an awm a, khang mite khan court kaltlangin an dikna an zawng mai niin alang.

5.Assam Rifles-in an awmna an chhuahsan dan tura MoU/MoA a buaipui dan chungchangah, Mizoram sorkar chuan Draft MoA Ni 17th December,2019 khan siam in, Sector Commander 23 Sector, Assam Rifles hnen ah David H. Lalthangliana OSD-Cum-Deputy Secretary to the Govt. of Mizoram Home Dept. hmingin thehluh a ni a. Khatih laia CM Zoramthanga hnena a thlen, ngaihsak tawk lo leh hrethiam pha tawk lo anga a sawi mai hi, Assam Rifles chhuahna tura MNF sawrkarin nasa taka hma alo lak tawhna leh a humhalhna dan fel tak alo duang tawh avangin MoU/MoA ah telh kher a tul tawh lo a, MoU/MoA chungchangah pawh Assam Rifles-te thil ngiat Mizoram sorkar leh mipui tana phurrit ni turte paih thlak dan dap hram hram a nih avanga MoU/MoA sign mai thei loa in negotiate a ngaih nasat dan zawng zawngte kha Major Babie Lalduhsangi hian a hre chiang tawk lo deuh ni in a lang hi pawi kan ti hle ani.

6.NGO hnena a thu thlen ngaihsak tawk lo anga a sawi mai pawh kha a pawi kan ti tak zeta. Assam Rifles hmuna ram lo nei tawhte khinga CYMA in WP(C)PIL No 31 of 2020 hial an thehluh thawmte kha a lo hre miah lo a nih hmel. Hei bakah hian NGO Coordination Committee ten ram neitute hi lenchilhin, an ram pass te hi surrender vek turin an ngen bawk a ni.

7.Tun dinhmun ah hian Assam Rifles luah thin rama LSC etc neite leh Central YMA-te hi court-ah an kal mek.

More Posts

MPCC-in resolution an pass

MPCC chuan vawiin (18.11.2026) chhun khan Congress Bhavan-ah executive meeting an nei a, MPCC President Lal Thanzara’n politics a khelh chhan a sawi bakah, resolution an pass. Lal Thanzara chuan politics a khelh chhan chu chief minister nih a nih loh thu sawiin, “Ka tum ber chu kum 2028-a Mizorama Congress a sorkar ngei theih […]

Zanin Youth Icon chhunzawm dawn

EverHome Youth Icon 2026 third round intihsiakna chu zanin (18.11.2026) dar 8-ah neih leh a ni dawn a, Youth Icon 2024 Lalsangliana (Taitea) chuan amah lo endik tawhtute dawhkan tawmin guest judge-ah a tang dawn. Third round intihsiak zan khatna chu Thawhlehni zan khan LPS Studio, Zarkawtah neih a ni a, a zan hnihna chu […]

Lokyukta-in report an thehlut

Mizoram Lokayukta Act, 2014 bung 47-nain a phut angin Lokayukta Chairperson Lalmalsawma, IAS, (Rtd.) chuan vawiin (18.11.2026) hian Larsap General Vijay Kumar Singh hnenah Mizoram Lokayukta Annual Report Pasarihna a thehlut. Annual report hian April 1, 2025 atanga March31, 2026 inkar a huam a, Mizoram Legislative Assembly thutkhawmah pharh a ni ang. Lokayukta Chairperson hi […]