Home

News

MNYF-in MSU an thlawp

News

MNYF-in MSU an thlawp

MNYF-in MSU an thlawp

Vawiin (November 16, 2026) hian MNF chuan an office-ah chhung inkhawm an hmang a, MNYF Vice President Lalnunmawia Pautu chuan thu a sawi.

MNYF Vice President chuan Tourism Department chu tute emaw mi pahnih induhsak uchuak takte’n an duh duh danin an chinglet mêk nia sawiin, “Mimal induhsakna avangin Industry Dept. atanga pension tawh mi pakhat chu thuneihna sâng tak pek niin chu mi chuan sawrkar lirthei entitled miah si loin a duh tawkin sawrkar motor Hyundai Creta MZ/01 R – 1534 chu a leklam thei. Tunah hian chu mi chuan phur takin SASCI Part-II hnuaiah cheng vaibelchhe 250 man project a buaipui leh mêk a, hei hi kan CM hian a hriatpui ngei niin kan hria. MNF Thalaiten a tul angin kan en zui zel dawn a ni,” a ti.

MPSC Chairman bang tura MSU-in an phut chu MNYF chuan an thlawp thu sawiin Lalnunmawia chuan, “ZPM sawrkarna hnuaiah MPSC hnuai a hnalak hrang hrangah fel lo a tam hle. Hengah hian ZPM Sawrkar leh MPSC Chairman hian mawh an phur a ni,” tiin MPSC hnuaia hnalak dik lote a sawilang.

MNYF VP SAWITE :

1.March 17, 2025,Sub-Inspector of Police (Un-armed) written exam-ah te.

2.January 20, 2026 ah Inspector of Statistics exam written-ah te.

3.February 9, 2026 MCS (Combined Competitive) main exam-ah MPSC-in document an enfel loh avangin document lem hmang a tling an awm phah te.

4.April 27, ,2026 ah Junior Grade of MAH & VS written exam ah thil dik lo tak te.
5.Ni 5 May,2026 Junior Grade of MES result tih chhuah ah thil dik lo te.

6.June 25, 2026 District Social Welfare Officer hnalak dan fel lo te.

7.October 23, 2026 a Food Civil supply & Consumer Affairs Dept hnuai a store keeper 15 post final result tih chhuah vek tawh hnu ah siamthat leh ngai te.

More Posts

Zanin atangin third round

EverHome Youth Icon 2026 intihsiakna chu thlitfim chhoh zel a ni a, icon nih tuma an zai video pe lut mi 844 atangin mi 27 thlan chhuah fel an ni tawh. Zan hnih awh tur Third Round intihsiakna chu zanin atangin neih tan a ni dawn. November 10-12, 2026 chhung khan second round intihsiak neih […]

Police-in ruihhlo an man

Police tarlan danin, tukin (17.11.2026) dar 7:05 vel khan Saitual Police te chuan Kualmawi, Keifangah heroin ni ngeia hriat an man. Saitual Police-te hian Duster car B/R No. AS 01 BD 7050 atangin heroin ni ngeia hriat gram 280, cheng nuai 71.42 hua chhut an man. Ruihhlo phurhna lirthei hi T. Lalminlun Haokip (21) s/o […]

Lirtheia chetsualnaah thi

Lalramhluna (30) s/o H Laltanpuia, Vairengte chu lirtheia chetsualna avangin vawiin (17.11.2026) tlai dar 2 vel khan a thi. Bengvarna thudawn danin, Lalramhluna hi naktuka nupui nei tur a ni a, nimin khan a nupui turte khua Kawnpuiah man hlan turin a thianpa nen an kal a, nizan khan man hi an inhlan a ni. […]