Vairengte atanga Bengvarna thudawn danin, H Ramliana (42) s/o H Vanlalhruaii, Mission Vengthlang chu motor-in a sut leh chil vangin vawiin (26.10.2026) chawhma dar 9:30 vel khan a thi.
H Ramliana hi Vairengteah UCO Bank manager a ni a, Aizawl atanga bike-a Vairengtea a chhuk chu a inluah a thlen hma deuhin motor (van) pakhatin truck overtake-in a suthlu a, truck hian a chilzui a ni. A ka pawh chhawn loin a thi.
Van khalhtu hi a tlanbo a, hmuh a la ni lo. Bagha atanga dawr bungrua sem thin nia hriat a ni. A motor chu Vairengte Police-in an la tawh. Truck driver (hnamdang) chu police kutah a inpe.
H Ramliana ruang hi postmortem zawhah an in panpui a ni ang.