Home

News

MZP-in MCSU hruaitute an sawipui

News

MZP-in MCSU hruaitute an sawipui

MZP-in MCSU hruaitute an sawipui

Mizo Zirlai Pawl (MZP) General Headquarters chuan vawiin (10.9.2026) tlai khan an pisaah Mizoram Chakma Students’ Union (MCSU) Zonal Hqrs, Aizawl hruaitute koin tunhnaia Chakma nu pakhat, MuroMuri Agency neitu Surita Chakma interview a thusawi chungchang leh Ragiv Nagar bul a missionary martar Rohmingthangi hriatrengna ‘In’ sak mek vawi tam tak lo suasam a tih chhiat a nih chungchang an sawipui.

MZP hruaitute chuan missionary martar Rohmingthangi hriatrengna ‘In’ Rajiv Nagar, Mamit District bula mi cheithat mek suasam a ni fo chu tha an tih loh thu sawiin, hetianga bungraw tih chhiat leh suasam a awm leh a nih chuan MZP-in a tul anga hma an lak tur thu leh hetiang thil a thlen nawn tawh loh nan zirlai pawl anga theihtawp a lo veng ve turin MCSU hruaitute an hrilh.

Mizo leh hnam mualpho tak leh diklo taka interview a sawitu Surita Chakma chuan tunkar chhung ngeia ngaihdam dilna video siam turin MZP chuan an hriattir a, MCSU hruaituten lo ngaihven turin an hriattir nghal a ni.

Mizorama cheng ve mek mikhual Chakma-ten kan ram chhungah buaina an siam fo leh ram neitute zah lo leh mawi lo taka an chhuah fo thin chu tha an tih loh thu tarlangin MZP chuan, “Tun hnaiah issue hrang hrang Inkhelh vanga hnam leh hnam buaina te, Tlabung chungchanga history dik tawk lo vawrh dah leh sawi te leh tun hnaia thil thleng a rawn awm chho ta fo mai chu pawi kan ti hle,” an ti.

More Posts

MPCC-in resolution an pass

MPCC chuan vawiin (18.11.2026) chhun khan Congress Bhavan-ah executive meeting an nei a, MPCC President Lal Thanzara’n politics a khelh chhan a sawi bakah, resolution an pass. Lal Thanzara chuan politics a khelh chhan chu chief minister nih a nih loh thu sawiin, “Ka tum ber chu kum 2028-a Mizorama Congress a sorkar ngei theih […]

Zanin Youth Icon chhunzawm dawn

EverHome Youth Icon 2026 third round intihsiakna chu zanin (18.11.2026) dar 8-ah neih leh a ni dawn a, Youth Icon 2024 Lalsangliana (Taitea) chuan amah lo endik tawhtute dawhkan tawmin guest judge-ah a tang dawn. Third round intihsiak zan khatna chu Thawhlehni zan khan LPS Studio, Zarkawtah neih a ni a, a zan hnihna chu […]

Lokyukta-in report an thehlut

Mizoram Lokayukta Act, 2014 bung 47-nain a phut angin Lokayukta Chairperson Lalmalsawma, IAS, (Rtd.) chuan vawiin (18.11.2026) hian Larsap General Vijay Kumar Singh hnenah Mizoram Lokayukta Annual Report Pasarihna a thehlut. Annual report hian April 1, 2025 atanga March31, 2026 inkar a huam a, Mizoram Legislative Assembly thutkhawmah pharh a ni ang. Lokayukta Chairperson hi […]