Home

News

MZP-in thil phut an nei

News

MZP-in thil phut an nei

MZP-in thil phut an nei

Mizo Zirlai Pawl (MZP) chuan vawiin (16.11.2026) hian Aizawl Press Club-ah press conference neiin, Mizoram Public Service Commission (MPSC) in a tun hnaia hnalak hrang hranga an tih dik loh leh tih sual chungchangah, MPSC siamthat hnatlang – Peaceful Protest August 6 &7 leh n10-12, 2026 khan pisa kai tur dangin hma an lo la tawh tih tarlangin, “He hmalakna avang hian MPSC Reform Committee din a ni a, thalai leh hnazawng mek ten beisei taka kan thlir laiin leh he committee hian rah tha a chhuah ngei beiseiin hun tiam chhungin rawtna hrang hrang he committee-ah hian MZP chuan a thlen a, he committee thutlukna leh thuchhuah ngaihchan mek a la ni,” an ti.

MZP hruaitute chuan MPSC-ah ngaihchan an neih mek laiin Food, Civil Supplies & Consumer Affairs (FCS&CA) Department hnuaia storekeeper hnaruak (post-15) December ni 19, 2025 a advertisement tih chhuah, a tling mi 15 appointment order October27, 2026 (Thawhlehni) a pek, ni 5 chhung atana training programmme kalpui a nih mek laia, written examination result mark tabulation tihsual (tech-nical error) tam tak a awm thu hriat a ni leh tih sawiin, “Mak kan hle a, MPSC hian insiamthat a tum lo hle ni ah kan ngai a ni. Tun hnaia thil thleng hrang hrang thlirin, MPSC hian in siamthat an tumlo hle tih a lang chiang a, MZP chuan heng a hnuaia tarlan hrang hrangte hi kan phut a ni,” tiin a hlawhtlin theih nan a hma la turin sawrkar thuneitute an ngen nghal.

MZP THIL PHUTTE

1.MPSC hnalak a mawhphurtu Secretary leh Controller of Examinations hi November 20, 2026 (Zirtawpni) ral hma ngeia thlak a, mithar ruat turin sawrkar thuneitute kan phut a ni.

2.He hnalak chungchangah hian Inquiry committee tunkar chhung ngei a din tur leh report pawh thlakhat(1) chhung ngeia report peih turin thuneitute kan phut a ni.

3.MPSC Reform Committee-in a thla 2 chhung ngeia rawtna (recomendations) hrang hrang ngaihtuah tur an nih laia hun tiam chhung zawh tawh hnu pawh a MZP leh thalai hnazawng(aspirants) te’n a reform committee hnena an thlen tun thlenga an la ngawih bo pui reng hi MZP chuan mak a ti hle a, zirlaite leh thalai hnazawng(Aspirants) mekte zah lohnaah MZP chuan a ngai a ni. Sawrkar thuneitute’n a rang lama ngaihtuah tur leh thu thar an neih vat kan phut nghal.

Heng kan thil phut hrang hrangte hi a hlawhtling lo a nih chuan MZP chuan, MPSC siamthat kawngah hian a hma aia nasa zawka hmalak dan tur a ngaihtuah dawn a ni.

More Posts

Zanin atangin third round

EverHome Youth Icon 2026 intihsiakna chu thlitfim chhoh zel a ni a, icon nih tuma an zai video pe lut mi 844 atangin mi 27 thlan chhuah fel an ni tawh. Zan hnih awh tur Third Round intihsiakna chu zanin atangin neih tan a ni dawn. November 10-12, 2026 chhung khan second round intihsiak neih […]

Police-in ruihhlo an man

Police tarlan danin, tukin (17.11.2026) dar 7:05 vel khan Saitual Police te chuan Kualmawi, Keifangah heroin ni ngeia hriat an man. Saitual Police-te hian Duster car B/R No. AS 01 BD 7050 atangin heroin ni ngeia hriat gram 280, cheng nuai 71.42 hua chhut an man. Ruihhlo phurhna lirthei hi T. Lalminlun Haokip (21) s/o […]

Lirtheia chetsualnaah thi

Lalramhluna (30) s/o H Laltanpuia, Vairengte chu lirtheia chetsualna avangin vawiin (17.11.2026) tlai dar 2 vel khan a thi. Bengvarna thudawn danin, Lalramhluna hi naktuka nupui nei tur a ni a, nimin khan a nupui turte khua Kawnpuiah man hlan turin a thianpa nen an kal a, nizan khan man hi an inhlan a ni. […]