Home

News

NBCC Chairman leh DM&R Minister an inkawm

News

NBCC Chairman leh DM&R Minister an inkawm

NBCC Chairman leh DM&R Minister an inkawm

Disaster Management and Rehabilitation (DM&R) Minister Prof. Lalnilawma chuan October 16 (Zirtawpni) khan New Delhi-a Mizoram House-ah NBCC (India) Limited Chairman leh Managing Director Dr. K. P. Mahadevaswamy a kawm a, leimin laka invenna leh chhiatrupna dawlzo ruhrel din leh siamthat dan kawnga thawhho dan tur an sawi dun.

Prof. Lalnilawma chuan Mizoramah, a bikin furpui laia lei a min fo thin thu sawiin, “Hei hian mihring nunna, kawngpui, hmunhma leh building pawimawh te, chenna hmun leh khawtlang inkalpawhnate a tichhe nasa thin hle. Lei min hlauhawm laka invenna atan science thiamna hmanga zirchianna kalpui a tul a, hun lo la kal zel tur atan lirnghing leh chhiatna lo thleng thei thlir lawka hmalak pawh a tul. Chhiatna thlen hnu-a siam thar tum ai chuan inven lawk dan tur ngaihtuah a, inbuatsaihna tha tak kalpui a tul a ni,” tiin mihring nunna leh infrastructure pawimawh te humhim chu state-in a ngai pawimawh tih a hrilh.

NBCC technical leh engineering lama thiamna hmangin lei min theihna hmun hriat chian (landslide hazard mapping), geology leh geotechnical survey, leilung dinhmun leh lei ngheh zawng zirchian, lei min hlawuhawmna hmun thlan chhuah leh a hmachhawn dan tur ruahmanna siam chungchang pawh Prof. Lalnilawma chuan sawipuiin, Mizoram tlang ram dinhmun mil tura engineering leh technology thar hman theih dan tur pawh an sawiho. Chutah chuan retaining wall siam, gabion wall siam, soil nailing, rock bolting, slope stabilisation leh tuihawk luanna tha zawk siamte pawh tel a ni.

National Landslide Risk Mitigation Programme (NLRMP) chu he meeting-a ngai pawimawh ber zingah a tel. He programme hnuaiah hian hmalakna hmasa atan heng dinhmun derthawnga ding, leimin hlauhawmna hmun nia lang te hi ngaih pawimawh hmasak ni se, an ti a ni.

More Posts

Kawng sirah thiin hmu

Ramthanpuia (36), Tuidam khua chu tukin (19.11.2026) khan an khua atanga kms. 2 velah a ruang chhar a ni. Thudawn danin, Ramthanpuia (36) hi nimin khan an barrel hunna tur thingtuai la turin a chhuak a, tukin khan kawngpui siamtu Nidhi Company hnathawkten kawngpui sira a mu an hmu a, Tuidam Branch YMA hruaitute an […]

Ramri chungchang sawiho

Vawiin (19.11.2026) hian Buhchangphaiah Kolasib Bawrhsap H. Dolianbuaia leh SP Lalrinpuia Varte bakah Hailakandi Bawrhsap Jay Vikas leh Sr. SP Amitava Sinha-te chu district pahnih Forest DFO-te nen ramri chungchang leh thawhhona ṭha zawk neih dan tur sawihoin an inhmu. He inhmukhawmnaah hian inremna lo awm sa anga ramri dinhmun pangngai (status quo) chu vawn […]

Agriculture Minister-in enfiah

Vawiin (19.11.2026) chhun khan Agriculture Minister PC. Vanlalruata chuan Tuiriala sawhthing sawngbawlna tur (proposed ginger processing) leh sawhthing dah khawmna tur kudam (storage centre) chu a hmunah kal chilhin, a enfiah. PC. Vanlalruata chuan kumthar, February 1, 2027 aṭangin sawhthing lei ṭan leh turin sorkar a inbuatsaih chho mek tih sawiin, “Hemi atana thil ṭul […]