Home

News

Neih loh khaw sawn chungchangah thukhawm

News

Neih loh khaw sawn chungchangah thukhawm

Neih loh khaw sawn chungchangah thukhawm

Vawiin (3.11.2026) hian Chief Minister Lalduhoma hoin State Level Management Authority on Relocation of Neihloh Village-te chu CM Conference Hall-ah an thukhawm.

Leilung chhiatna (disaster) laka khaw puma him lo, khaw thar sahsak mek, Neihloh khaw thar chungchanga thuneitu sang thukhawm hian hmalak tawh chinte an enho. A tira chhungkaw 92, a hnua chhungkaw 91 ni tate hnenah chenna in sakna tur first instalment cheng nuai 5 theuh leh 2nd Instalment cheng nuai 4 theuh pek an ni tawh. Instalment hnuhnung ber buaipui leh mek a ni.

Khaw chhung kawng laih (formation cutting) zawh thawkhat tawh a ni a, concrete pavement tur a ni. Pavement tih hma hian tui pipe phum ngaite phum fel hmasak vek ni se an ti. Tui pipe hi a tam zawk phum tawh a ni. Tuilakna tur tui pump hi karleh lamah an pump chhin thei tawhin an ring.

Zirtirtu quarters tur chu sak zawh tawh a ni a, school building hi sanction nghah mek a ni. Electric current chungchangah transformer bun fel tawh a ni.

Health & Family Welfare lam pawh an hmunhma health clinic an bunna tur sum ruahman tawh a ni a, anganwadi pawh an kuta dah a ni.

VC House chu RD Department lamin a sakna tur lo ngaihtuah se an ti a, DC Serchhip chu library, community hall leh fair price shop proposal lo duang tura tih a ni.

More Posts

Zanin atangin third round

EverHome Youth Icon 2026 intihsiakna chu thlitfim chhoh zel a ni a, icon nih tuma an zai video pe lut mi 844 atangin mi 27 thlan chhuah fel an ni tawh. Zan hnih awh tur Third Round intihsiakna chu zanin atangin neih tan a ni dawn. November 10-12, 2026 chhung khan second round intihsiak neih […]

Police-in ruihhlo an man

Police tarlan danin, tukin (17.11.2026) dar 7:05 vel khan Saitual Police te chuan Kualmawi, Keifangah heroin ni ngeia hriat an man. Saitual Police-te hian Duster car B/R No. AS 01 BD 7050 atangin heroin ni ngeia hriat gram 280, cheng nuai 71.42 hua chhut an man. Ruihhlo phurhna lirthei hi T. Lalminlun Haokip (21) s/o […]

Lirtheia chetsualnaah thi

Lalramhluna (30) s/o H Laltanpuia, Vairengte chu lirtheia chetsualna avangin vawiin (17.11.2026) tlai dar 2 vel khan a thi. Bengvarna thudawn danin, Lalramhluna hi naktuka nupui nei tur a ni a, nimin khan a nupui turte khua Kawnpuiah man hlan turin a thianpa nen an kal a, nizan khan man hi an inhlan a ni. […]