Home

News

NGHAM-in thuchhuah an siam

News

NGHAM-in thuchhuah an siam

NGHAM-in thuchhuah an siam

Non Government Hospital Association of Mizoram (NGHAM) chuan thuchhuah siamin, Health Minister-in tunhnaia MUHCS zawm tura a sawm bik nia a sawi hospital pathumte – Ebenezer Medical Center, Trinity Hospital leh LRM Hospital te bakah hian hospital dang la zawm lo tlemte chauh kan awm tawh tih tarlangin, “Chungte chu – Aizawl Hospital, Greenwood Hospital, Adventist Hospital (Kohhran Hospital), Rosewood Hospital (Psychiatry Hospital), City Hospital leh Agape Multispeciality Hospital te kan ni. Heng hospital zawng zawngte hian MUHCS zawm turin sawrkar kan bia-in kan hriattir tawh a, thil tul leh pawimawh thehluh ngaite thehlutin sawrkar lam hi kan ngaichang reng tawh zawk a ni. MUHCS hi NGHAM member hospital thenkhat chauhin kan zawm a nih chuan, a zawm ve lo hospital te tan tlakchhiatna a thlen theih dawn avangin Mizo takin pheikhai rual taka kal hi a thain kan hria a, kan zavaia kan zawm theihna tura inbiakrem thuai hi kan beiseiin kan lo thlir reng a ni,” an ti.

Hospital hrang hrangte hi an hospital dinhmun leh grade te a inan loh avangin rate pawh a inang vek thei lo tih an hriat thu tarlangin NGHAM chuan, “Chuvangin kan hospital grading min pek ang zela awm chungin tuna kan dinhmun sa aia kan chhiat lohna tur tal, rate min pe turin kan beisei a ni. Chutiang chu hospital inrelbawl nan a pawimawh avangin John Williams Hospital, Lunglei pawhin Synod Hospital, Durtlang rate tho an hmang mek a ni. LPrivate hospital dintute hi entreprenuer-te niin risk sang tak lain medical lamah kan ramin hma a sawn ve nan kan theih ang zela hma la thin tute kan ni. Mizoram a entrepreneur te zingah chuan thalaite tan hna siam tam berte zinga mi pawh kan niin kan hria a ni. Hna siam piah lamah damlote phai lama refer ngai a tlem zelna tur leh ram dang atang pawha pan tlak hospital nih tumin hma kan la mek zel a ni. Entreprenuer hma ngai em em, kan nu leh pa a kan ngaih, sawrkar pawhin kan tan a tha turin min ngaihtuah sak zel ang tih kan ringin kan beisei tlat bawk a ni. Tin, hetia MUHCS kan zawm fel theih hma pawh hian damlo mangang tak takte, sawrkar hnathawk leh MUHCS a in register si, loh theih lova kan hospital a awm te hian cashless an inenkawl theih hma pawhin an harsatna zualpui phuhruk nan MR bill tal phalsak mai nise, MUHCS hi mipui zawng zawngin awlsam takin an chhawr nghal thei dawn,” tiin sawrkar pawh an finchhuah thu an tarlang.

I

More Posts

Kawng sirah thiin hmu

Ramthanpuia (36), Tuidam khua chu tukin (19.11.2026) khan an khua atanga kms. 2 velah a ruang chhar a ni. Thudawn danin, Ramthanpuia (36) hi nimin khan an barrel hunna tur thingtuai la turin a chhuak a, tukin khan kawngpui siamtu Nidhi Company hnathawkten kawngpui sira a mu an hmu a, Tuidam Branch YMA hruaitute an […]

Ramri chungchang sawiho

Vawiin (19.11.2026) hian Buhchangphaiah Kolasib Bawrhsap H. Dolianbuaia leh SP Lalrinpuia Varte bakah Hailakandi Bawrhsap Jay Vikas leh Sr. SP Amitava Sinha-te chu district pahnih Forest DFO-te nen ramri chungchang leh thawhhona ṭha zawk neih dan tur sawihoin an inhmu. He inhmukhawmnaah hian inremna lo awm sa anga ramri dinhmun pangngai (status quo) chu vawn […]

Agriculture Minister-in enfiah

Vawiin (19.11.2026) chhun khan Agriculture Minister PC. Vanlalruata chuan Tuiriala sawhthing sawngbawlna tur (proposed ginger processing) leh sawhthing dah khawmna tur kudam (storage centre) chu a hmunah kal chilhin, a enfiah. PC. Vanlalruata chuan kumthar, February 1, 2027 aṭangin sawhthing lei ṭan leh turin sorkar a inbuatsaih chho mek tih sawiin, “Hemi atana thil ṭul […]