Home

News

Pafa luiah an tla

News

Vawiin (29.10.2026) tlai dar 5 vel khan Saithanga (kum 60 vel) leh a fapa Sanghluna (kum 30 vel), Kolasib Tuitha Veng chu luiah an tla a, he thuziahlai hian zawn mek an ni.

Thulaknain a tarlan danin, Kolasib Tuitha Veng hian Bairabi road, Hortoki lam Saibual ramah huan an nei thin a, huan nei lote pawhin ram kalna atan an hmang thin a ni. Saithangate pafa pawh hi thing la turin an kal a, an haw lamah a fapa hi tui a khauh leh khauh lo en turin a kal a, chesualin, Saibual luiah hian a tla a ni.

Saithanga hi a fapa chhan tumin luiah hian a zuangthla a, chesual zuivein, tui hian a la ve a ni. Mita hmutu awm mah se, tui an thiam loh vangin an chhan thei lo. Tunah hian Kolasib Tuitha Veng YMA bultumin tuitla zawng turin mi eng emaw zat an thawk chhuak a, an chetsualna hmun hi motor kal theih chin bak kein eng emaw chen kal a ngai.

Saithanga hi Presbyterian Kohhranah upa niin, a fapa Sanghluna pawh KTP-a inhmang tak a ni.

More Posts

MPCC-in resolution an pass

MPCC chuan vawiin (18.11.2026) chhun khan Congress Bhavan-ah executive meeting an nei a, MPCC President Lal Thanzara’n politics a khelh chhan a sawi bakah, resolution an pass. Lal Thanzara chuan politics a khelh chhan chu chief minister nih a nih loh thu sawiin, “Ka tum ber chu kum 2028-a Mizorama Congress a sorkar ngei theih […]

Zanin Youth Icon chhunzawm dawn

EverHome Youth Icon 2026 third round intihsiakna chu zanin (18.11.2026) dar 8-ah neih leh a ni dawn a, Youth Icon 2024 Lalsangliana (Taitea) chuan amah lo endik tawhtute dawhkan tawmin guest judge-ah a tang dawn. Third round intihsiak zan khatna chu Thawhlehni zan khan LPS Studio, Zarkawtah neih a ni a, a zan hnihna chu […]

Lokyukta-in report an thehlut

Mizoram Lokayukta Act, 2014 bung 47-nain a phut angin Lokayukta Chairperson Lalmalsawma, IAS, (Rtd.) chuan vawiin (18.11.2026) hian Larsap General Vijay Kumar Singh hnenah Mizoram Lokayukta Annual Report Pasarihna a thehlut. Annual report hian April 1, 2025 atanga March31, 2026 inkar a huam a, Mizoram Legislative Assembly thutkhawmah pharh a ni ang. Lokayukta Chairperson hi […]