Oct 14, 2025
Tuesday
Aizawl City Area Pick-up Association chuan vawiin (14.10.2025) atang hian Mizoram mi leh sa nihna nei ni loin pick-up an khalh lohna atan khauh taka hmalak an tum.
Aizawl City Area Pick-up Association joint meeting chuan, ‘February 11, 2023 atanga hma an lo lak tawhna Aizawl khawpui chhung leh Mizoram dung leh vangah kan ram leh hnam humhalh a lo nih zel theihna turin hnam dang Mizoram mi leh sa nihna neilo pick-up khalh an tam lutuk tih remna turin ni 14.10.2025 atang hian hian khauh taka hmalak chhunzawm leh tum a ni. Motor neitute pawhin hnam dang Mizoram mi leh sa nihna nei lo driver-a lo chhawr lo turin kan inngen. Chhawr lui/khalh lui an awm a nih chuan an chungah eng pawh thleng se an sawi buai thei lo ang,’ a ti.
District danga motor (pick-up) load lak phal ve lo district-te chu Aizawl City Area-ah load lak phal a ni loh thu leh load la lui man an awm a nih chuan an chungah engpawh thleng se an sawi buai thei loh tur thu Aizawl City Area Pick-up Association chuan an tarlang tel.
