Oct 29, 2025
Wednesday
Champhai Police-te chuan nizan (28.10.2025) khan hmeichhe naupang khuaikhema puh vangin Chinsuanpaua (70), Teikhang, tuna New Champhaia awm mek chu an man.
Champhai Police-in FIR an thehluh atanga tarlan a nih danin, Chinsuanpaua hian October 24, 2025 tlai dar 4 leh dar 5 inkar khan hmeichhe naupang kum 6 mi chu, a thiante nen khawlaia an infiam lai an inah a hruai lut a ni.
Chinsuanpaua hian hmeichhe naupang serhah a kut a dahlut a ni. Hmeichhe naupang serhah hian hliam a awm avangin a nuin thil awm dan a zawt a, hmeichhe naupang hian thil thlen dan a sawi chhuak. October 24 hma pawhin Chinsuanpaua hian an dawrah hmeichhe naupang hi a lo khawih tawh.
Champhai Police-te chuan Chinsuanpaua lakah hi POCSO Act leh BNS hnuiaiah thubuai an ziaklut a, an chhuizui mek.
