Vanlaldopuia (36), Tualte khua chu ni 6.11.2026 (Inrinni) tlai khan a ramvahpuiten ramsa emaw tiin an kap a, a hliam tuar loin a thi.
Thu dawn danin, Vanlaldopuia hi Inrinni khan a thiante nen sa chang turin ramah an kal a ni. Hun eng emaw chen a an chan hnuah tlai dar 5:20 velah Vanlaldopuia hian sanghal ngek thawm a hriat avangin a sa channa hmun (thangte) atangin a chhuk a, sanghal thawm a hriatna lamah a veh phei chu a thianpain sanghal emaw tiin a kap a ni.
Vanlaldopuia ruang hi Inrinni zan khan lumenpui niin, nimin chhun dar 12 khan vuiliam a ni.