Home

News

Ramah thiin an hmu

News

Ramah thiin an hmu

Ramah thiin an hmu

Ni 24.10.2026-a a thianpa nena ram chhuak Lawmkima (39), North Sabual khua, Mamit District chu vawiin (26.10.2026) hian thiin an ram kalnaah chhar a ni.

Thudawn danin, Lawmkima hi a thianpa nen an khua atanga kms. 20 bawr vela hlaah an kal a, a thianpa nen hian innghahna tur in hrilhin ram an thlen hnuah an inthen a ni. A thianpa hian tlai dar 4 velah silai ri a hria a, a rawn let ve mai a rin vangin innghahna tura an tih hmunah a lo nghak.

A let mai tak loh avangin a au vel a, a chhang thei lo. Zankhuaa a ngah hnuah Lawmkima chhungte a tukah a hrilh a, a chhungte nen zawng mah se, an hmu zo lo. An khaw YMA te chhun dar 12 velah hrilh hriat an ni.

Khawtlangin nimin khan an zawng a, an hmu zo lo. Vawiinah zawng lehin, tlai dar 2 velah a ruang an hmu. A ruang hi thangteah an hmu a, a nak ding lamah silaimu hmuh a ni a, a chho zawngin a lut nia hriat a ni. A silai hi thangte bulah a lo inkhai a, silaimu kahruahna an hmutel.

A thihchhan tak hriat a ni lo. A ruang leh silai awm dan atangin amah a inkap palh nia ring an awm. Police leh Forensic Science Laboratory lam pawh North Sabualah hian kalin, ruang hi an endik ang.

Lawmkima ruang hi naktukah vui a ni dawn. Fa pathum a nei.

More Posts

MPCC-in resolution an pass

MPCC chuan vawiin (18.11.2026) chhun khan Congress Bhavan-ah executive meeting an nei a, MPCC President Lal Thanzara’n politics a khelh chhan a sawi bakah, resolution an pass. Lal Thanzara chuan politics a khelh chhan chu chief minister nih a nih loh thu sawiin, “Ka tum ber chu kum 2028-a Mizorama Congress a sorkar ngei theih […]

Zanin Youth Icon chhunzawm dawn

EverHome Youth Icon 2026 third round intihsiakna chu zanin (18.11.2026) dar 8-ah neih leh a ni dawn a, Youth Icon 2024 Lalsangliana (Taitea) chuan amah lo endik tawhtute dawhkan tawmin guest judge-ah a tang dawn. Third round intihsiak zan khatna chu Thawhlehni zan khan LPS Studio, Zarkawtah neih a ni a, a zan hnihna chu […]

Lokyukta-in report an thehlut

Mizoram Lokayukta Act, 2014 bung 47-nain a phut angin Lokayukta Chairperson Lalmalsawma, IAS, (Rtd.) chuan vawiin (18.11.2026) hian Larsap General Vijay Kumar Singh hnenah Mizoram Lokayukta Annual Report Pasarihna a thehlut. Annual report hian April 1, 2025 atanga March31, 2026 inkar a huam a, Mizoram Legislative Assembly thutkhawmah pharh a ni ang. Lokayukta Chairperson hi […]