A zaithiam, hmelthat, thisen a pek tam, a taksa vawn uluk etc vanga Mizo mipuite’n kan hriat rawn, mi tam takin chuai thei lo an tih hial Rebecca Saimawii chuan beer company lar tak sawmna a hnawl. Kristian a nih vang a tih loh theih loh.
Rebecca Saimawii chuan beer company atanga sawmna a hnawl thu hi vawiin (2.11.2026) ah social media account-ah tarlangin, a insawitheihna angah ngaihsak lo tura bul tannin, “Tun mai khan India rama beer company lar takin min rawn bia. November ni 14 leh 15-a Bangalore-a an event neih turah, ni khat va tel ve tur leh, reel pakhat siam a, instagram story pahnih share leh a, cheng nuai 1.2 hlawh turin min rawn sawm ve hlawl mai,” a ti.
Chhunzawmin Rebecca Saimawii chuan, “Inngaihtuah lawkna pawh awm lo in, ‘Mizote hi Kristian kan ni a, mifel vek erawh kan ni lo. In sum min hlui hi ka awt ve tho; amaherawhchu, keichuan ka chhia leh ṭha hriatna aṭanga ka chhutin, ka tih tur a ni lo. Thil dang min la faktir zawk dawn nia,” ka han tih ve kha!,” tiin kei ang mifel lote Pathian nih zak lo chu chawimawiin awm mawlh rawh se, tiin a khar.