Home

News

Rel chetsual chhan chhui chiang

News

Rel chetsual chhan chhui chiang

Rel chetsual chhan chhui chiang

Thulakna Vanglainiin a tarlan danin, Kolkata – Sairang Expresz November 11, 2026 (Nilaini) a Digaru Railway Station, Assam-a chesual chhui chianna lailawk (preliminary probe) neih atangin rel chetsual chhanah rela a brake pui ber, ‘main brake system’ chian loh vang a ni tih hmuhchhuah a ni. Preliminary probe team-ah hian mi paruk awmin rela brake-in hna a thawh theihna tura pawimawh tak rel coach-a mi chu a chiang lo tih a hmuchhuak tih report-ah an tarlang.

Chhui chianna ațanga a lan danin BP angle cock an tih mai, rel din theihna tura brake-in hna a thawh theihna tura khawl pawimawh takah buaina tenau a lo awm vang a nih thu probe team chuan an sawi. Braking system chian loh chhana mawhphurtu hi hriat a la nih loh bakah, thawktuten rel tlan chhuah hmaa a him leh him loh lam an enfiah loh vang a ni zawk em tih pawh thil chiang a la nih loh thu an sawi.

Hetih laiin crew member-te thuchhuah siamah chuan loco pilot, assistant loco pilot, leh guard-te chuan chhiatna thlen nia Guwahati atanga rel an khalh chhuah khan braking system lamah engmah buaina a awm loh thu an tarlang ve. Hengte a nih avang hian railway division thenkhat chuan kaihhruaina tichhuakin thawktute chuan rel, station-a an chawlh reng rengin an zinkawng an zawh tan leh hmaa brake angle cock-te enfiah hmasa thin turin an hriattir nghal a ni.

More Posts

Zanin atangin third round

EverHome Youth Icon 2026 intihsiakna chu thlitfim chhoh zel a ni a, icon nih tuma an zai video pe lut mi 844 atangin mi 27 thlan chhuah fel an ni tawh. Zan hnih awh tur Third Round intihsiakna chu zanin atangin neih tan a ni dawn. November 10-12, 2026 chhung khan second round intihsiak neih […]

Police-in ruihhlo an man

Police tarlan danin, tukin (17.11.2026) dar 7:05 vel khan Saitual Police te chuan Kualmawi, Keifangah heroin ni ngeia hriat an man. Saitual Police-te hian Duster car B/R No. AS 01 BD 7050 atangin heroin ni ngeia hriat gram 280, cheng nuai 71.42 hua chhut an man. Ruihhlo phurhna lirthei hi T. Lalminlun Haokip (21) s/o […]

Lirtheia chetsualnaah thi

Lalramhluna (30) s/o H Laltanpuia, Vairengte chu lirtheia chetsualna avangin vawiin (17.11.2026) tlai dar 2 vel khan a thi. Bengvarna thudawn danin, Lalramhluna hi naktuka nupui nei tur a ni a, nimin khan a nupui turte khua Kawnpuiah man hlan turin a thianpa nen an kal a, nizan khan man hi an inhlan a ni. […]